«Real»da kambek, Shomurodov va «Roma»da g‘alabali seriya. Kun o‘yinlari

Angliya: Sels — penaltichilarni jilovlovchi

Angliya Kubogi. 1/4 final. 29 mart
«Fulhem» — «Kristal Pelas» 0:3
Gollar: Eze (34), Sarr (38), Nketia (75).
«Fulhem» — Leno, Kastan, Andersen, Bessi, Robinson (Sessenon, 71), Berg, Lukich (Traore, 63), Ivobi (Kerni, 82), Villian (Ximenes, 71), Pereyra (Smit-Rou, 63), Muniz. 
«Kristal Pelas» — Henderson, Richards, Gehi, Lakrua, Munos (Klayn, 87), Uorton (Kamada, 70), Lerma, Mitchell, Sarr (Deveni, 87), Eze (Fransa, 90), Mateta (Nketia, 70). 
Ogohlantirishlar: Uorton (14), Richards (46), Lakrua (74), Klayn (89). 

APLda ham so‘nggi turlarni ko‘tarinki ruhda o‘tkazgan «Kristal Pelas» jiddiy raqib ustidan yirik hisobda g‘alabaga erishdi. Mezbonlar ilk daqiqalardan tashabbusni qo‘lga olgan va birinchi raqam ostida harakat qilishgandi, ammo 34-daqiqada Eberechi Eze o‘z uslubidagi gol bilan hisobni ochdi. Hafta boshida Angliya milliy jamoasi safida gollar hisobini ochgan yarimhimoyachi biroz o‘tib Sarrni golli pas bilan ta’minladi va amalda mezbonlar taslim bo‘ldi. Ikkinchi bo‘limda Nketia hisobni yirik ko‘rinishga keltirdi. «Burgutlar» so‘nggi olti o‘yinida olti g‘alabaga erishdi, to‘plar nisbati – 13:0.

«Brayton» — «Nottinghem Forest» 0:0
Penaltilar seriyasi — 4:5.

«Nottinghem» va «Brayton» — Angliyada raqibni qarshi hujumlarda jazolash bo‘yicha eng yaxshi jamoalar qatorida. Ularning APL turnir jadvalidagi o‘rinlari (uchinchi va yettinchi) ham buni tasdiqlaydi, ammo kubokdagi o‘zaro bahsda jamoalar bir-biriga bunga imkon bermadi. O‘yinda golli vaziyatlar ko‘p bo‘lmadi va g‘olibni penaltilar seriyasida aniqlashga to‘g‘ri keldi. Futbol lotereyasida esa «o‘rmonchilar» o‘zini suvdagi baliqdek his qilishdi. Aniqrog‘i, bu gap joriy mavsumda uch bor o‘yinlardan keyingi seriyada g‘olib bo‘lgan darvozabon Selsga taalluqli. Bungacha u «Ekzeter Siti» va «Ipsvich»ga qarshi kubok o‘yinlarida ishonchli harakat qilgandi. Endi esa APLda quruq o‘yinlar soni bo‘yicha peshqadamlik qilayotgan belgiyalikning ikkita seyvi «Nottinghem»ga Angliya Kubogi yarimfinali yo‘llanmasini taqdim etdi, jamoa bu turnirda 1981 yildan buyon ilk bor shu bosqichgacha yetib keldi.

30 mart kuni qolgan ikki yarimfinalchi ham aniqlanadi. So‘nggi chorakfinallarda «Manchester Siti» «Bornmut» mehmoni bo‘lsa, «Aston Villa» «Preston»ni sinovdan o‘tkazadi.

Ispaniya: «Atletiko» o‘yindan tashqari holatda

«Espanyol» – «Atletiko» 1:1
Gollar: Puado 71(pen) – Aspilikueta 38.
«Atletiko»: Oblak, Lorente, Le Norman (Ximenez, 28), Langle, Aspilikuyeta (Reynildu, 81), Simeone (Molina, 64), Gallaxer (Rikelme, 81), Birrios, Lino (De Paul, 46), Syorlot (Alvares, 64), Grizmann.
Ogohlantirish: Kubula 21, Velis 73, Ximenes 90+1.

Katta ehtimol bilan Ispaniyadagi chempionlik poygasi ishtirokchilari soni ikkitagacha qisqardi, «Atletiko» uni tark etdi. Madridliklar FIFA kunlaridan oldin «Xetafe» va «Barselona»ga yutqazgandi, endi esa — xavfli zona yaqinidagi «Espanyol» bilan o‘yinda g‘alaba qo‘ldan chiqarildi.

Holbuki birinchi bo‘lim oxirlarida himoyachi Aspilikueta jarima maydonida havodagi to‘pni yuqori burchakka joylaganidan keyin mehmonlar bu ustunlikni boy bermaydigandek ko‘ringandi. Ammo barchasini Langlening xatosi barbod qildi, u standart vaziyatda to‘p uzatilganida jarima maydoni ichida arbitrning ko‘z o‘ngida raqibni futbolkasidan tortib yiqitdi. Bunga esa umuman zarurat yo‘q edi, chunki Kabrera darvozaga xavf solishga yaqin ham kelmagandi. Bu epizodda to‘p shunchaki Oblakka borayotgandi, yakunda esa muhim ochkolar boy berildi. Diyego Simeone «Espanyol» maydonidagi so‘nggi olti o‘yinda faqat bitta g‘alabaga erishgan. Endi «Atletiko» bu tur o‘yinini hali o‘tkazmagan «Barselona»dan olti ochkoga ortda qolmoqda va ispaniyalik statistikachilar «matraschilar»ning titul uchun imkoniyatlarini 2,2  foiz deb baholamoqda.

«Real» — «Leganes» 3:2
Gollar: Mbappe (32 penalti, 76), Bellinghem (47) — Garsiya (33), Raba (41). 
«Real» — Lunin, Vaskes (Valverde, 72), Ryudiger, Asensio, Garsiya, Modrich (Chuameni, 81), Kamavinga, Dias (Vinisius, 62), Bellinghem, Guler (Rodrigo, 62), Mbappe.
«Leganes» — Dmitrovich, Roze, Poyyyer, Nastasich, Ernandes, Neyu, Tapia (Brashanach, 86), Krus (Diomande, 86), Raba (de la Fuente, 86), Rodriges, Garsiya (Munir, 83).
Ogohlantirishlar: Ernandes (62), Achensio (62), Garsiya (65), Tapia (75), Rodriges (89).

«Real»ning ham ishi oson kechmadi, JCh-2026 saralashidan keyin «Leganes»ga qarshi o‘yinni madridliklar janubiy amerikalik futbolchilarisiz boshladi. Holbuki avvaliga qaymoqranglilarda jiddiy muammo yo‘qdek ko‘ringandi. Mezbonlar o‘z uslubida bosimni kuchaytirib borishdi, vaziyatlar yuzaga keltirildi, Bellinghemning jarima maydoni ichiga nozik uzatmasi Gulerga fol ishlatilishi bilan yakunlandi.

Mbappe zarbani panenka uslubida ijro etdi. Bu vaziyatda darvozabon markazga qaytib, to‘pga ulgurishiga ham bir baxya qolgandi.

Ammo birinchi bo‘lim qahramoni Kilian emas, vatandoshi Roze bo‘ldi. Avvaliga «Leganes» laterali hujumga qo‘shilishi Diyego Garsiyaning goli bilan yakunlandi, sakkiz daqiqa o‘tib esa u maydon markazida Braim Dias to‘pni yo‘qotgach, boshlab bergan hujumni Dani Raba gol bilan yakunladi. Tanaffusga qadar Mbappeda gol urish uchun yana ikkita imkoniyat bo‘ldi, ammo baribir madridliklar kiyim almashtirish xonasiga g‘amgin kayfiyatda yo‘l olishdi.

«Leganes» muxlislari yana 15 daqiqa davomida xursandchilik qilishdi, ammo ikkinchi bo‘lim boshlanishi bilan barchasi o‘zgarib ketdi. «Real»ning birinchi bo‘limdagi omadsizliklari bir hujumda esdan chiqarildi: Garsiya to‘pni Bellinghemga topshirdi va u yerlatib kuchli zarba berdi. To‘pni Dmitrovich qaytardi, qaytgan to‘pga Dias yetib keldi va to‘p to‘singa bordi va yana Judga qaytib keldi. Bu safar mehmonlarni hech kim qutqara olmadi.

Ko‘p o‘tmay Braimning zarbasidan keyin to‘p ustunga bordi. Anchelotti esa o‘yinning bir soati ortda qolganida Arda va Dias o‘rniga Rodrigo hamda Vinisiusni maydonga tushirdi. Lekin baribir hal qiluvchi ishni Mbappe bajardi. Jarima maydoni yaqinida Rodrigo yiqildi, bu vaziyatda mehmonlar himoyachisi Renato Tapiya to‘pga ulgurgandi, ammo bosh hakam Iturralde Gonsales jarima zarbasi belgiladi.

Kilian standart vaziyatni Garsiya bilan o‘ynab, qaytarilgan to‘pni yerlatib berilgan zarba bilan ustun yonidan to‘rga kiritdi. Bu uning «Real»dagi debyut mavsumida 33-golini urishi bo‘ldi, u bu borada Ronaldu va van Nistelroyning natijasini takrorladi, oldinda faqat Samorano (37 gol) bor. Unda qolgan ikki oy ichida bu borada ham birinchi o‘ringa chiqib olish imkoniyat yetarli. Bundan tashqari, u professional darajadagi gollari sonini 364 taga yetkazdi va eng yaxshi fransuz to‘purarlari ro‘yxatida Rojyer Kurtua bilan tenglashdi, oldinda esa faqat Karim Benzema (491) va Tiyerri Anri (411) bor.

Bu g‘alabadan keyin «Real» ochkolar soni bo‘yicha «Barsa»ga yetib oldi va raqibining yakshanba oqshomida «Jirona»ga qarshi kechadigan derbi o‘yini natijasini kutadi.

Italiya: «Roma» yevrokuboklar oltiligida

«Yuventus» — «Jyenoa» 1:0
Gol: Yildiz (25). 
«Yuventus» — Di Gregorio, Gatti (Kalulu, 27), Veyga, Kelli, Gonsales (Vea, 82), Lokatelli, Tyuram, Makkenni, Kopmeyners (Konyseysau, 66), Yildiz, Vlahovich. 
«Jyenoa» — Leali, Sabelli, De Vinter, Vaskes, Matturro, Frendrup, Onana (Malinovskiy, 71), Mazini, Miretti (Torsbi, 80), Zanoli (Venturino, 63), Pinamonti (Ekuban, 71). 
Ogohlantirishlar: Tryuam (31), Frendrup (56), Malinovskiy (72), Vea (88). 

Tiagu Mottani ishdan bo‘shatgach, «Yuventus» A Seriyaning eng yaxshi inqirozga qarshi menejerini bosh murabbiy etib tayinladi. O‘z vaqtida «Keksa sinoralar» safida o‘ynagan xorvatiyalik Igor Tudor mavsum davomida jamoalarni qabul qilgan va shu maqomda kamida ellikta o‘yin o‘tkazgan murabbiylar orasida so‘nggi 90 yillikdagi eng yaxshi ko‘rsatkichga ega. U bunday uchrashuvlarning 86 foizida (69 tadan 59 tasida) g‘alaba qozongan, shanba kuni esa «Jyenoa» ustidan qozonilgan g‘alaba evaziga statistikani yaxshiladi. Shu bilan birga, kamtarona 1:0 o‘yin xarakteriga unchalik mos kelmaydi. Turinliklar so‘nggi daqiqalarda ham gol urish uchun ikkita yaxshi imkoniyatga ega bo‘lishdi. Va bu o‘yin taqdirini hal qilgan Kenan Yildizning vaziyatiga qaraganda ancha yaqqol vaziyatlar edi. Jarima maydoniga yorib kirgan turkiyalik futbolchi himoyachini chiroyli tarzda aldab o‘tib, darvozani o‘tkir burchakdan nishonga oldi. Bu Yildizning «byankonerilar» safidagi yettinchi goli bo‘ldi. Agar u o‘zining tug‘ilgan kunigacha (4 may) hech bo‘lmaganda bir gol urishga ulgursa, g‘alaba uchun uch ochko berish boshlanganidan keyingi davrda 20 yoshdan oshmagan futbolchilar tomonidan urilgan gollar soni bo‘yicha «Yuve» rekordini o‘rnatadi. Hozircha Yildiz bu borada Moyze Kin bilan bir xil natija qayd etmoqda.

«Lechche» — «Roma» 0:1
Gol: Dovbik (80). 
«Lechche» — Falkone, Gilber, Gashpar, Baskirotto, Gallo, Kulibali (Kaba, 72), Ramadani (Rebich, 84), Perotti (Banda, 58), Helgason (Berisha, 72), Karlsson (Ndri, 58), Krstovich.  
«Roma» — Svilar, Manchini, Hummels, Ndika, Salemakers (Pisilli, 84), Kone, Kristante, Anhelino, Sule (Shomurodov, 72), Pellegrini (Baldanzi, 72), Dovbik (El Sha’roviy,  84). 
Ogohlantirishlar: Karlsson (54), Baldanzi (75), Salemakers (78).

«Roma» tur o‘yinini yakshanba kuni o‘tkazadigan «Latsio»ni quvib o‘tib, yevrokuboklarga yo‘llanma beruvchi oltinchi o‘ringa ko‘tarildi. Autsayderga qarshi o‘yinda rimliklar uzoq vaqtgacha o‘z maqsadiga yeta olmadi va Klaudio Raniyeri ikkinchi hujumchi sifatida Eldor Shomurodovni ham maydonga tashladi. Bu esa o‘z samarasini berdi va 80-daqiqada Artyom Dovbik yaqin burchakni aniq nishonga olib, rimliklar jamoasining g‘alabali seriyasini yetti o‘yinga yetkazdi. «Bo‘rilar»da bunday muvaffaqiyatli oraliq 2016 yildan buyon kuzatilmagandi, o‘shanda Luchano Spalletti boshqaruvidagi jamoa qatorasiga sakkiz o‘yinda g‘alabaga erishgandi. «Roma» uchun mavsumni qutqarib qolgan Klaudio Raniyeri keyingi haftada bu natijani takrorlash imkoniyati bo‘ladi — ammo taqvim oson emas, avvaliga «Yuventus», uning ortidan — Rim derbisi kutmoqda.

Germaniya: Keynning navbatdagi qurboni

«Bavariya» — «Sankt Paulu» 3:2
Gollar: Keyn 17, Sane 53, 71 – Sad 27, Ritska 90+3
«Bavariya»: Urbig, Laymer (Stanishich, 85), Min-Chje, Dayyer, Gerreyru (Ito 58), Goretska (Palinya, 46), Kimmix, Olise, Musiala (Gnabri, 78), Sane, Keyn (Myuller, 85).

Deyvis yana xoch bog‘lamlari uzilishi jarohati tufayli safdan chiqdi, bu safargisi mojaroli holatni yuzaga keltirdi. Futbolchining agenti so‘zlariga ko‘ra, futbolchi Kanada milliy jamoasi o‘yinlariga tayyor bo‘lmagan, ammo, sardor murabbiylar shtabi bosimiga uchragan, bu esa ayanchli oqibatga olib kelgan. Endi esa «Bavariya» direktori Yan-Kristian Drezen Kanada futbol federatsiyasi tekshiruv o‘tkazishini talab qilmoqda va sud da’vosi bilan tahdid solmoqda. O‘z navbatida, okean ortidagilar o‘z tibbiy shtabi professionalizmiga ishonch bildirib, Deyvisning agentining so‘zlarini rad etmoqda.

Nima bo‘lganda ham, endi Rafael Gerreyru — chap qanotni yopish uchun yagona variant va Vensan Kompani ushbu portugaliyalik futbolchidan maydon markazida foydalanish yoki uni o‘ng qanotga o‘tkazish imkoniyati bo‘lmaydi. Bu esa qo‘shimcha muammolarni tug‘diradi, tarkibdagi kamchiliklar tufayli myunxenliklar vaqti-vaqti bilan bo‘shashmoqda va «Bayyer» bilan oradagi farq olti ochkogacha qisqargan. Shanba kungi o‘yinda ham Dayyer Saadning hisobni ochgan golida ochiqchasiga sustkashlik qildi, Urbig esa so‘nggi daqiqalarda oddiy vaziyatda qutqara olmadi va hisob qaltis ko‘rinishga keldi. Qolaversa, «Bavariya» hujum chizig‘i vakillari ko‘plab vaziyatlarni yo‘qqa chiqarishda davom etmoqda. Lekin bu Sanega mavsumdagi to‘rtinchi dublni rasmiylashtirishga (shaxsiy rekord), Keynga esa — o‘ziga bundesligada raqib bo‘lgan so‘nggi jamoa darvozasini ham zabt etishga (o‘n to‘qqizinchi) xalal bermadi. Turnir tarixida faqat Miroslav Kloze ko‘proq jamoaga gol urgan (28).

«Ayntraxt» — «Shtutgart» 1:0
Gol: Gyotse (71).
«Ayntraxt» — Santos, Kristensen, Kox, Teate (Amenda, 87), Braun, Tuta (Sxiri, 81), Larsson (Hoylund, 81), Knauff, Gyotse, Bahoya (Fares, 87), Ekitik. 
«Shtutgart» — Nyubel, Ad Dohil, Yyeltch, Shabo, Mittelshtadt (Jake, 77), Leveling (Bruun-Larsen, 78), Karazor, Shtiller, Fyurix (Voltmeyd, 61), Miyo (Hendriks, 62), Demirovich (Undav, 78).
Ogohlantirishlar: Tuta (19), Miyo (34), Mittelshtadt (49), Shtiller (90). 
Chetlatish: Ad Dohil (58).

«Borussiya» M — «Leypsig» 1:0
Gol: Plea 56

Chempionlar Ligasi yo‘llanmasi uchun da’vogarlarning shanba kungi o‘yinlarida «Leypsig» Menhegladbahning «Borussiya»siga qarshi bahsda mag‘lub bo‘ldi. Marko Roze jamoasi nafaqat «Ayntraxt» va «Mayns» bilan ochkolar bo‘yicha vaqtincha tenglashish imkoniyatini qo‘ldan boy berdi, balki «Gladbah»ni ham beshinchi o‘ringa o‘tkazib yubordi. Mezbonlarga g‘alabani o‘tgan turdagi het-trikdan so‘ng sur’atni tushirmagan Pleaning yagona goli ta’minladi.

«Ayntraxt»ning «Shtutgart» to‘qnashuvi taqdirini ham yagona gol hal qildi. 58-daqiqada shvablar bir kishi kam bo‘lib qolishgani amalda o‘yin taqdirini belgilab berdi. Bundan ikki daqiqa oldin «burgutlar»ning faxriy futbolchisi Gyotse hisobni ochgandi va son jihatdan ustunlik g‘alabali hisobni saqlab qolishni ta’minladi. Frankfurt jamoasi endi beshinchi o‘rin bilan farqni 5 ochkoga yetkazdi.

Fransiya: «PSJ» bir kam chempion

«Sent-Etiyen» — «PSJ» 1:6
Gollar: Stassin (9) — Ramush (43, penalti), Kvaratsxeliya (50), Due (53, 66), Nevesh (62), Mbayye (90). 
«Sent-Etiyen» — Larsone, Makon (Appia, 90), Batubinsika, Nad, Petro, Elimbi, Bushuari, Tarde (Muton, 63), Kardona (Muffek, 78), Stassin (Vaji, 78), Davitashvili (Old, 63). 
«PSJ» — Safonov, Zair-Emeri (Vitinya, 57), Beraldo (Kimpembe, 78), Pacho (Mendesh, 64), Ernandes, Nevesh, Ruis, Barkolya, Kvaratsxeliya (Dembele, 64), Due, Ramush (Mbayye, 78). 

«Reyms» — «Marsel» 3:1
Gollar: Nakamura (29), Diaxon (51), Edoa (68) — Ronjye (78).
«Reyms» — Diuf, Buta (Hiroki, 73), Okumu, Kipre, Akiyeme, Gbane, Edoa, Kone (Patrik, 73), Diaxon (Ibrohim, 59), Dzyunya, Nakamura. 
«Marsel» — Rulli, Lirola (Binnosir, 46), Balerdi (Mope, 34), Enrike, Kondogbia (Rou, 79), Ronjye, Merlin (Dedich, 46), Grinvud, Rabio, Guiri (Garsiya, 79).

«Monako» — «Nitssa» 2:1
Gollar: Mika Biret (55), Brel Embolo (73) — Jyeremi Boga (41)
Aniq ijro etilmagan penalti: Mika Biret (5)
Chetlatish: Santos (90+1)

Fransiyada «PSJ» gegemonligi davom etmoqda. Luis Enrike shogirdlari bu turda mavsumdagi o‘n to‘rtinchi g‘alabasiga erishdi va chempionlik sari yana bir qadam tashladi. Qolaversa, jamoa safardagi mag‘lubiyatsiz o‘yinlari seriyasini 38 taga yetkzadi (+30=8). Parijliklar bu bilan top-5 ligalar uchun 1993 yilda «Milan»ga tegishli bo‘lib turgan rekordni takrorlashdi.

Ikkinchi o‘rindagi «Marsel» Reymsda yutqazgach, 12-turdan buyon ilk bor ikkinchi o‘rindan pastga tushdi va parijliklar bor e’tiborini Lazur sohildagi derbiga qaratishdi. Agar «Monako» va «Nitssa» o‘zaro durang o‘ynaganida, «PSJ» 27-turdan keyinoq navbatdagi chempionlik titulini nishonlagan bo‘lardi. Ammo ikkinchi o‘ringa chiqib olgan «Monako»ning o‘z rejalari bor. Ammo tashabbusga egalik qilganiga qaramay, qishki transferlar doirasida jamoaga kelgan, to‘purarga aylangan Biret penaltidan foydalana olmadi va monegaskliklar birinchi bo‘limni boy berishdi.

Adi Hyutterning baxtiga — uning ixtiyorida liganing eng irodali jamoasi bor, bu jamoa hisobda ortda borgan o‘yinlarida burilish yasash evaziga 16 ochko to‘plagan. Ikkinchi bo‘limda Biret aybini yuvdi va hisobni tenglashtirdi. Akliushning pasidan keyin daniyalik hujumchi yaqin burchakka aniq zarba berdi va Ugo Kurionega tegishli rekordni yangilash tomon yurishda davom etdi. 1974 yilda ushbu futbolchi Fransiyaga qishda kelgan va mavsum yakuniga qadar 14 gol urishga ulgurgan. Biretda allaqachon 12 gol bor, bu o‘yindagi g‘alaba goliga esa zaxiradan tushgan Embolo mualliflik qildi va parijliklar bayramini keyinga qoldirdi.