Bog‘ Toshkent viloyatining Qibray tumanida joylashgan.

Hududni obodonlashtirishda 2024 yildagi dunyoning eng yaxshi taekvondochisi, WT taekvondo bo‘yicha ikki karra Olimpiya chempioni Ulug‘bek Rashitov ham ishtirok etdi.

Ekologiya, atrof-muhitni muhofaza qilish va iqlim o‘zgarishi vazirligi huzuridagi "Yashilloyiha" loyiha instituti tomonidan ishlab chiqilgan ishchi loyiha bo‘yicha daraxt turlari hududning iqlim va tuproq sharoitidan kelib chiqib, bog‘lar barpo etish va atrof hududni ko‘kalamzorlashtirishni hisobga olgan holda tanlab olindi. Bog‘ga qurg‘oqchilikka chidamli va joy tanlamaydigan olma, "Shpanka" olchasi va gilos kabi mevali daraxt turlari hamda lola daraxti, qrim qarag‘ayi, kashtan, eman, zarang, shumtol, yapon soforasi, qayrag‘och, teskari tut va Pisardi olxo‘risi kabi manzarali daraxt turlari ekildi. Suv resurslaridan oqilona foydalanish maqsadida bog‘ hududida tomchilatib sug‘orish tizimi ham o‘rnatiladi.

Aholiga qulaylik yaratish maqsadida bog‘ hududi obodonlashtirildi, agrotexnik ishlar amalga oshirildi, shuningdek, sayr yo‘lakchasi o‘tkazildi. Kelgusida kompaniya dam oluvchilar uchun dala shiyponi qurishni ham rejalashtirgan.

Daraxtlarning koordinatalari "Yashil makon" umummilliy platformasiga ma’lumotlarni kiritish uchun Ekologiya vazirligining shtabiga taqdim etildi.

"Yashil makon" loyihasi atrof-muhitni muhofaza qilish va barqaror rivojlanish bo‘yicha davlat siyosatining bir qismi hisoblanadi. Loyihaning maqsadi mamlakatda yashil maydonlarni ko‘paytirish, shahar va qishloq hududlarini ko‘kalamzorlashtirishdan iborat.

"O‘zbekinvest" kompaniyasi kelgusida "yashil" texnologiyalarni joriy etish, suvni tejash, ko‘kalamzor hududlarni keskin ko‘paytirish, va eng muhimi, aholi salomatligini mustahkamlashga qaratilgan loyihalarga o‘z hissasini qo‘shib kelishni davom ettiradi.

Koll-markaz: (+998) 71−207−60−00, 1160

Sayt | Facebook | Instagram | Telegram | YouTube

Reklama huquqi asosida