Yashil Meros: Har bir Click foydalanuvchisi O‘zbekistonni ko‘kalamzorlashtirishga hissa qo‘sha oladi

Click barcha foydalanuvchilar uchun “Yashil Meros” ekologik platformasini ochdi. Endilikda ilovadagi odatiy harakatlar orqali ekoballar to‘plab, foydalanuvchilar O‘zbekistonning barcha hududlarida daraxt ekishlari mumkin bo‘ladi. Yashil Meros loyihasining maqsadi – kelajak avlodlar uchun toza havo va yaxshi ekologiyani ta’minlashdir.

Qanday qatnashish mumkin?

O‘zbekistonni ko‘kalamzorlashtirish dasturida ishtirok etish uchun Click SuperApp ilovasidagi Yashil Meros miniapp’ga kirish kerak. Platformada interaktiv o‘yin mexanikasi qo‘llaniladi. Foydalanuvchilar ekoballarni sayyoramizni asrashga yordam beradigan oddiy kundalik harakatlar uchun olishadi – elektron to‘lovlar va onlayn o‘tkazmalarni amalga oshirish, shaxsiy avtomobil o‘rniga jamoat transportidan foydalanish, chiqindilarni olib ketish xizmatiga o‘z vaqtida to‘lov qilish.

Har bir shunday harakat uchun ekoballar taqdim etiladi. Ushbu ballar yordamida ilovada interaktiv daraxt o‘stirish mumkin. Avval urug‘ xarid qilib ekish, keyin esa har kuni uni sug‘orib, parvarish qilish kerak. Virtual daraxt o‘sgach, ilovada “Daraxt ekish” tugmasi paydo bo‘ladi – undan keyin loyiha jamoasi foydalanuvchi tanlagan hududda haqiqiy daraxt ekadi. Bu hudud foydalanuvchining yashash joyi yoki yaqinlari istiqomat qiladigan joy bo‘lishi mumkin.

Daraxt ekish uchun foydalanuvchi ekoballarni taqdim etuvchi harakatlarni muntazam bajarishi lozim. Masalan, har kuni jamoat transportidan kuniga ikki marta foydalanish, haftasiga bir yoki ikki marta mobil ilova orqali xaridlarni to‘lash, oyiga bir necha marta onlayn o‘tkazmalar amalga oshirish, elektron hamyonni to‘ldirish va chiqindi olib ketish xizmatiga to‘lov qilish. Bularning barchasi ekoballar to‘plashga va natijada daraxt ekish orqali O‘zbekistonning ko‘kalamzorlanishiga hissa qo‘shishga va ekologik odatlarni shakllantirishga yordam beradi.

Nima uchun bu muhim?

Har bir o‘zbekistonlik farzandlariga eng yaxshisini berishga harakat qiladi – ularni zarur narsalar bilan ta’minlash, uy qurish. Ammo agar kelajakda farzandlarimiz toza havodan nafas ololmasa, barcha harakatlarimiz behudadir.

Biz Toshkentni yashil shahar sifatida ko‘rishga odatlanganmiz. Bugungi kunda dam olayotgan bog‘larimiz va tabiat maskanlari – ajdodlarimizdan bizga qolgan merosdir. Endi navbat bizga – biz ham keyingi avlodlar uchun yashil meros qoldirishimiz kerak. Bunga faqat davlat dasturlari va biznesni qo‘llab-quvvatlash orqali erishib bo‘lmaydi. Biz toza muhitda yashashimiz uchun har bir o‘zbekistonlik atrof-muhitga g‘amxo‘rlik qilishi lozim.

Shahar muhitiga ko‘kalamzorlik juda ham kerak. Daraxtlar havoni tozalaydi, haroratni pasaytiradi, soya beradi va karbonat angidrid chiqindilarini muvozanatlashtirishga yordam beradi. Masalan, bitta katta daraxt yiliga 125 kg kislorod ishlab chiqaradi va 22 kg karbonat angidridni yutadi, bu esa avtomobilning 880 km yo‘l bosishdagi chiqindilarini neytrallashtiradi.

Yashil Meros – nafaqat daraxt ekish, balki atrof-muhitni yaxshilashga yordam beradigan kunlik odatlarni shakllantirish uchun qulay vositadir.

Yashil Meros – bo‘limiga o‘tish.

Reklama huquqi asosida