Kreml Trampning Putindan «jahli chiqqani» haqidagi iddaolarga javob qaytardi
Rossiya prezidenti Vladimir Putinning matbuot kotibi Dmitriy Peskov so‘zlariga ko‘ra, «Tramp to‘g‘ridan-to‘g‘ri shunday demagan».

Foto: RIA Novosti
Kreml AQSh prezidenti Donald Trampning Rossiya prezidenti Vladimir Putindan darg‘azab bo‘lgani haqidagi xabarlarga izoh berdi. Avvalroq, Tramp tinchlik kelishuvini imzolashni kechiktirayotgan va Ukraina prezidenti Vladimir Zelenskiyning hokimiyatdan chetlatishni talab qilayotgan Putindan «darg‘azab bo‘lgani» haqida xabar berilgan edi.
Rossiya prezidenti Vladimir Putinning matbuot kotibi Dmitriy Peskov so‘zlariga ko‘ra, «Tramp to‘g‘ridan-to‘g‘ri shunday demagan».
«Ba’zi bayonotlar hikoya sifatida berildi, iqtibos ko‘rinishida emas. Bu birinchidan. Ikkinchidan, darhaqiqat aslida bir nechta turli bayonotlar berildi... Biz Amerika tomoni bilan, birinchi navbatda, avvalgi ma’muriyat davrida juda katta zarar ko‘rgan ikki tomonlama munosabatlarimizni tiklash ustida ishlashda davom etamiz», dedi Peskov.
U, shuningdek, «Ukrainani tartibga solish bilan bog‘liq ba’zi g‘oyalarni amalga oshirish bo‘yicha ish olib borilayotganini» qo‘shimcha qildi, ammo hozircha aniq natijalar yo‘q. Shu bilan birga, uning so‘zlariga ko‘ra, Putin va Trampning yangi suhbati hozircha rejalashtirilmagan.
«Ish davom etmoqda, hozircha sizga ma’lum qilishimiz kerak bo‘lgan aniq ma’lumotlar yo‘q. Bu mavzuning murakkabligi tufayli vaqt talab etadigan jarayon. Prezident Tramp bilan aloqalarga mutlaqo ochiq. Zarurat yuzaga kelsa, ularning suhbati zudlik bilan tashkil etiladi», dedi Peskov.
Avvalroq, Tramp NBC News telekanaliga bergan intervyusida Putindan tinchlik muzokaralarini cho‘zib yuborayotgani uchun «darg‘azab» ekanini aytdi va agar bu davom etsa, Moskvaga bosimni kuchaytirishi bilan tahdid qilgan edi. U, shuningdek, Putinning Ukraina prezidenti Vladimir Zelenskiyni tanqid qilganidan «g‘azablanganini» qo‘shimcha qilib, Putin «xohlaydimi-yo‘qmi» Zelenskiy bilan kelishib olishi kerakligini ta’kidladi.
Tavsiya etamiz
Mask ketadi, DOGE ham o‘z faoliyatini to‘xtatadi – Tramp
Jahon | 18:12 / 01.04.2025
1 apreldan Rossiyadagi migrantlarga bir qator cheklovlar kuchga kirdi
Jahon | 17:12 / 01.04.2025
Maktablarni to‘liq 5 kunlik o‘qish va ish rejimiga o‘tkazish taklif qilinmoqda
O‘zbekiston | 16:53 / 01.04.2025
Yozda top-klublar «talashishi» kutilayotgan 11 hujumchi
Sport | 15:30 / 01.04.2025
So‘nggi yangiliklar
-
3 aprel yangiliklari: O‘zbekistonda ro‘y bergan muhim voqea va hodisalar
O‘zbekiston | 21:57
-
Estoniya Rossiya bilan chegarani minalashtiradi
Jahon | 21:23
-
Shavkat Mirziyoyev Turkmaniston, Qirg‘iziston, Tojikiston va Qozog‘iston prezidentlari bilan uchrashdi
O‘zbekiston | 21:21
-
Tramp tariflari ortidan dollar va fond indekslari quladi
Jahon | 21:17
Mavzuga oid

18:04
Tramp pingvinlar va tyulenlar yashaydigan kimsasiz orollarga qarshi boj joriy qildi

17:39
«Savdo urushlarida g‘oliblar bo‘lmaydi». Trampning bojlariga dunyo bo‘ylab qanday munosabat bildirilmoqda?

14:43
AQShda favqulodda holat: Tramp butun dunyoga savdo urushi e’lon qildi

14:23