Tramp pingvinlar va tyulenlar yashaydigan kimsasiz orollarga qarshi boj joriy qildi
Avstraliyaga tegishli Hyord va Makdonald orollari kimsasiz bo‘lsa-da, 2022 yilda Qo‘shma Shtatlar bu hududdan 1,4 million dollarlik mahsulot import qilgan.

Foto: AFP/Getty Images
AQSh prezidenti Donald Tramp tomonidan 2 aprel kuni e’lon qilingan boj tariflari Hind okeanidagi aholi yashamaydigan Hyord va Makdonald orollariga ham tegishli. Bu haqda Axios nashri yozdi. Boj miqdori 10 foizni tashkil qiladi.
Hyord va Makdonald orollari davlat emas va Avstraliyaga tegishli bo‘lib, unga nisbatan ham 10 foizlik boj joriy qilingan. Orollarga borish uchun maxsus ruxsatnoma olish talab qilinadi.
1997 yilda Hyord orollari va Makdonald orollari YuNESKO Jahon merosi ro‘yxatiga kiritildi. Axios ta’kidlaganidek, bu hudud tyulenlar, pingvinlar va boshqa qushlarning koloniyalari bilan «to‘lib ketgan». So‘nggi bor odamlar u yerga deyarli 10 yil oldin borgan.
Oq uy vakilining Axios nashriga aytishicha, orollarga boj Avstraliya hududining bir qismi bo‘lgani uchun joriy qilingan.
Jahon banki ma’lumotlariga ko‘ra, 2022 yilda Qo‘shma Shtatlar ushbu orollardan 1,4 million dollarlik mahsulot import qilgan, ularning deyarli barchasi «mashina va elektrotexnika buyumlari» edi. Bu tovarlar nima ekani noma’lum.
AQSh prezidenti Donald Tramp 2 aprel kuni barcha mamlakatlar tovarlariga boj joriy etishini ma’lum qildi. Ro‘yxatga Xitoy, Buyuk Britaniya, Yaponiya, Tayvan va boshqa ko‘plab davlatlar kiritilgan. Trampning ta’kidlashicha, Qo‘shma Shtatlar boshqa davlatlar bilan savdo to‘siqlarini kamaytirish uchun «o‘nlab yillar» davomida bojlarni pasaytirib kelgan. Bu davlatlar esa aksincha, AQSh tovarlariga bojlarni oshirgan.
Tavsiya etamiz
Qimmatga tushgan liposaksiya: blogerni kimlar operatsiya qildi?
Jamiyat | 19:22 / 04.04.2025
NYT Germaniyadagi «urush ofisi» haqida surishtiruv e’lon qildi
Jahon | 15:18 / 04.04.2025
Minbardagi 25 soat: senator Buker nega bunday qildi?
Jahon | 22:47 / 03.04.2025
O‘zbekistonning 9 ta viloyatida sel xavfi e’lon qilindi
O‘zbekiston | 22:24 / 03.04.2025
So‘nggi yangiliklar
-
AQSh: Ukraina bo‘yicha muzokaralar tufayli Rossiyaga bojlar joriy etilmaydi
Jahon | 09:40
-
“Mening bog‘im” loyihasining 2025 yilgi mavsumi boshlandi
O‘zbekiston | 09:18
-
Rossiyada qarovsiz qolib ketgan 16 nafar bola O‘zbekistonga qaytarildi
Jamiyat | 09:15
-
2025 yil uchun eng ishonchli avtomobillar e’lon qilindi: ular orasida Tahoe ham bor
Jahon | 09:00
Mavzuga oid

23:36 / 06.04.2025
Yerokomissiya AQShdan import qilinadigan go‘sht, kiyim-kechak va hojatxona qog‘oziga javob bojlari joriy etadi

19:44 / 06.04.2025
Eron armiyasi jangovar shay holatga keltirildi - Reuters

18:40 / 06.04.2025
AQSh ilk bor chet davlatning barcha fuqarolariga berilgan vizalarni bekor qildi

17:20 / 06.04.2025