724 km - Chevrolet Silverado  elektropikapi kutilganidan ko‘proq masofa bosib o‘ta olishi ma’lum bo‘ldi

Chevrolet o‘zining Silverado elektropikapi to‘la quvvat bilan kutilganidan ko‘proq masofa bosib o‘tishini tasdiqladi. Atrof-muhitni muhofaza qilish agentligi (EPA) ma’lumotlariga ko‘ra, pikapning Work Truck komplektatsiyasi to‘la quvvat bilan 724 km masofani bosib o‘ta oladi.

Avvalroq Chevrolet Silverado Work Truck’ning 643 km masofa bosib o‘tishi mumkinligi aytilgandi. Kompaniya vakili buning shaxsiy hisob-kitob, kutilmalardan kelib chiqib aytilganini, real natijalar esa amalda yaxshiroq bo‘lib chiqqani bilan tushuntirgan.

Silverado WT 2023 yil yozidan sotuvga chiqadi. To‘rtala g‘ildirak ham tortish kuchiga ega, dvigatel esa 510 ot kuchini beradi. Tezkor quvvatlash imkoniyati mavjud. 10 daqiqada 160 km masofaga yetadigan quvvatga ega bo‘lish mumkin.

Modelning narxi borasida hozircha rasmiy ma’lumot taqdim etilgani yo‘q.