Mo‘g‘uliston bu yil O‘zbekistonda elchixonasini ochadi

Mo‘g‘uliston O‘zbekiston bilan 1992 yil 25 yanvarda diplomatik munosabatlar o‘rnatgan. Biroq hali ham doimiy diplomatik korpusi yo‘q.

2018 yildan beri Mo‘g‘uliston elchisi bir vaqtning o‘zida Ostonada, O‘zbekiston elchisi esa Pekinda ishlamoqda. Shuningdek, hozirgacha oliy darajadagi tashriflar bo‘lmagan.

Mo‘g‘uliston 2023 yilda O‘zbekistonda elchixona ochishni rejalashtirmoqda va Markaziy Osiyo davlatlari bilan savdo aylanmasini oshirish, bu davlatlarga qishloq xo‘jaligi mahsulotlarini yetkazib berishdan manfaatdor.

Shuningdek, 2023 yilda Mo‘g‘uliston Tashqi ishlar vazirligi O‘zbekiston bo‘ylab oltita joyda konsullik ochishni rejalashtirgan.

2022 yil iyun oyida Mo‘g‘uliston O‘zbekiston fuqarolari uchun 30 kunlik muddatga vizasiz rejim joriy qilgan edi.

Mo‘g‘uliston va O‘zbekiston 2022 yilda diplomatik munosabatlar o‘rnatilganining 30 yilligini nishonlagan edi.