Qoʻshimcha funksionallar
-
Tungi ko‘rinish
Aydar-Arnasoy ko‘llar tizimida ovlash taqiqlangan baliqlarni ovlagan shaxsga jinoyat ishi qo‘zg‘atildi
U ovlash taqiqlangan baliqlarni ovlab, hayvonot dunyosiga 101,5 million so‘m zarar yetkazgan.
Foto: Bosh prokuratura huzuridagi departament
Bosh prokuratura huzuridagi departamentning xabar berishicha, departamentning Aydar-Arnasoy ko‘llar tizimi resurslaridan foydalanish sohasida iqtisodiy huquqbuzarliklarga qarshi kurashish bo‘limi tomonidan tezkor tadbir o‘tkazilgan.
Tadbirda, fuqaro F.B. o‘z boshqaruvidagi avtotransport vositasida ovlash taqiqlangan mayda hajmli 3 611 bosh “Qizilqanot” va 15 bosh “Oqsla” baliqlarini olib ketayotganda ushlangan.
Tergovga qadar tekshiruvda, F.B. taqiqlangan baliqlarni ovlab, hayvonot dunyosiga 101,5 million so‘m zarar yetkazgani, tabiiy ko‘l hududidan unga tegishli bo‘lgan baliq ovlashda taqiqlangan 4 dona mayda hajmli "Leska” to‘rlari borligi aniqlanib, ashyoviy dalil sifatida olingan.
Qayd etilishicha, mazkur holat yuzasidan Jinoyat kodeksining 202-moddasi (Hayvonot yoki o‘simlik dunyosidan foydalanish tartibini buzish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga oid
16:25 / 06.03.2025
Toshkent viloyatida taqiqlangan ov quroli bilan baliq ovlagan shaxs aniqlandi
14:27 / 25.01.2025
“Akulalar dengiz sanitari” – yirtqich jonzotlar bilan do‘st tutingan va ularni qutqarayotgan ayol haqida hikoya
09:43 / 21.01.2025
Aydar-Arnasoy ko‘llarida noqonuniy baliq ovlash natijasida qariyb yarim mlrd so‘mlik zarar yetkazildi
08:16 / 25.12.2024