YeChL. "Yuventus" – "Tottenhem" g‘olibi aniqlanmadi, "Siti" "Bazel"ni yirik hisobda yengdi

Sport 03:12 / 14.02.2018 14611

Bugun 2017/18 yilgi Chempionlar Ligasining pley-off bahslariga start berildi. 

Kunning markaziy o‘yin Turinda – "Yuventus" hamda "Tottenhem" jamoalari o‘rtasida kechdi. Gollarga boy bo‘lgan uchrashuv 2:2 hisobidagi durang bilan yakunlandi. 

O‘yinning 2- va 9-daqiqalarida Iguain mezbonlarni hisobda oldinga olib chiqdi. 35-daqiqada Keyn hisobni qisqartirishga erishdi. 71-daqiqada Eriksen jarima zarbasini aniq amalga oshirib, yakuniy hisobni o‘rnatdi. 

Ikkinchi juftlikda "Bazel" o‘z maydonida "Manchester Siti"ni qabul qildi. Uchrashuv mehmonlarning yirik g‘alabasi bilan yakunlandi 0:4.

Uchrashuvda Gundo‘g‘an dubl qayd etgan bo‘lsa, Bernardu Silva hamda Aguero o‘z hisobiga 1tadan gol yozib qo‘ydi. 

Yuventus Italiya – Tottenhem Angliya 2:2 (2:1, 0:1)

Gollar: 1:0 – 2 Iguain, 2:0 – 9, penalti Iguain, 2:1 – 35 Keyn, 2:2 – 71 Eriksen.
Yuventus – Buffon, De Shilo, Benatiya, Kellini, Aleks Sandro, Xedira (Bentankur, 66), Pyanich, Bernardeski, Duglas Kosta (Asamoa, 90), Manjukich (Sturaro, 76), Iguain.
Tottenhem – Loris, Ore, Sanches, Vertongen, Devis, Dembele, Dayyer, Eriksen (Vanyama, 90), Alli (Son Xin Min, 83), Lamela (Lukas Moura, 89), Keyn.
Ogohlantirishlar: Devis (8), Benatiya (45), Ore (47), Iguain (60), Bentankur (80).

Bazel Shveytsariya – Manchester Siti Angliya 0:4 (0:3, 0:1)

Gollar: 0:1 – 14 Gundo‘g‘an, 0:2 – 18 Bernardu Silva, 0:3 – 23 Aguero, 0:4 – 53 Gundo‘g‘an.
Bazel – Vatslik, Jaka, Lakrua, Suxi, Lang, Fray, Die, Riveros, Shtoker (Ayyeti, 71), Elyunussi (Byua, 85), Oberlen.
Manchester Siti – Ederson, Uoker, Kompani, Otamendi, Delf, de Bryuyne (Silva, 63), Fernandino, Gundo‘g‘an, Bernardu Silva, Aguero (Danilo, 85), Sterling (Sane, 57).
Ogohlantirishlar: Jaka (38), Fernandino (59), Die (89), Gundo‘g‘an (89).

Ko‘proq yangiliklar: