«Siti» o‘tish o‘yinlaridayoq «Real»ga duch keldi. Barcha juftliklar ma’lum

Bugun, 31 yanvar kuni UYeFAning Nondagi shtab-kvartirasida Yevropa Chempionlar ligasi pley-off bosqichiga qur’a tashlandi.

Bu bosqichdan o‘tgan sakkiz jamoa 1/8 finalga guruh bosqichi orqali yo‘l olgan sakkiz jamoa bilan navbatdagi juftliklarni hosil qiladi, buning uchun alohida qur’a o‘tkaziladi (juftlikda ikkinchi ko‘rsatilgan jamoalar saralanganlar bo‘lib, javob o‘yinlarini o‘z uyida o‘tkazadi):

O‘tish o‘yinlari juftliklari:

«Bryugge» — «Atalanta» (g‘olib «Lill» yoki «Aston Villa» bilan o‘ynaydi);
«Sporting» — «Borussiya» Dortmund (g‘olib «Lill» yoki «Aston Villa» bilan o‘ynaydi);
«Manchester Siti» — «Real» (g‘olib «Atletiko» yoki «Bayyer» bilan o‘ynaydi);
«Seltik» — «Bavariya» (g‘olib «Atletiko» yoki «Bayyer» bilan o‘ynaydi);
«Yuventus» — PSV (g‘olib «Arsenal» yoki «Inter» bilan o‘ynaydi);
«Feyyenoord» — «Milan» (g‘olib «Arsenal» yoki «Inter» bilan o‘ynaydi);
«Brest» — «PSJ» (g‘olib «Liverpul» yoki «Barselona» bilan o‘ynaydi);
«Monako» — «Benfika» (g‘olib «Liverpul» yoki «Barselona» bilan o‘ynaydi).

Birinchi o‘yinlar 11-12 fevralda, javob o‘yinlari esa 18-19 fevralda o‘tkaziladi.

UYeFA o‘yinlarning aniq kunlari va soatlari ko‘rsatilgan taqvimni yaqin vaqtlar ichida e’lon qiladi.

Yangi formatga ko‘ra, pley-offda jamoalar o‘z birinchiligi vakillari bilan, shuningdek, guruh bosqichida o‘ynagan raqiblari bilan ham duch kelishi mumkin.