Qoʻshimcha funksionallar
-
Tungi ko‘rinish
Yevroittifoq va Qozog‘iston o‘rtasida viza tartibini soddalashtirish bo‘yicha kelishuv tuzish jarayoni boshlandi
Yevroittifoq Tashqi ishlar va xavfsizlik siyosati bo‘yicha oliy vakili Kaya Kallas – To‘qayev bilan uchrashuvda «Qozog‘iston mintaqa davlatlari orasida YeI bilan Kengaytirilgan sheriklik va hamkorlik to‘g‘risidagi kelishuvni imzolagan birinchi davlat bo‘lgani»ni ta’kidlagan.
Foto: Qozog‘iston prezidenti matbuot xizmati
28 mart kuni Almati shahrida Qozog‘iston prezidenti Qosim-Jo‘mart To‘qayev Yevropa Ittifoqining Tashqi ishlar va xavfsizlik siyosati bo‘yicha oliy vakili, Yevropa komissiyasi vitse-prezidenti Kaya Kallas bilan uchrashdi.
Kallas Qozog‘iston mintaqa davlatlari orasida Yevropa Ittifoqi bilan Kengaytirilgan sheriklik va hamkorlik to‘g‘risidagi Kelishuvni imzolagan birinchi davlat bo‘lganini ta’kidlagan.
«Bu kelishuv ikki tomonlama munosabatlar yuksak darajada rivojlanib borayotganining tasdig‘i bo‘lib xizmat qilmoqda. Shuningdek, Kaya Kallas Yevropa komissiyasi va Qozog‘iston o‘rtasida viza berish tartibini soddalashtirish bo‘yicha kelishuvni tuzish jarayoni boshlanganini e’lon qildi», — deyiladi Oq O‘rda rasmiy axborotida.
To‘qayev bunga javoban Qozog‘iston bu yangilikni juda ijobiy qabul qilishini, bu qadam Yevropa davlatlari bilan shaxslararo va ishbilarmonlik aloqalarini mustahkamlash uchun keng imkoniyatlar ochayotganini qayd etgan.
Shuningdek, tomonlar Markaziy Osiyo–YeI formatidagi hamkorlik, xalqaro va mintaqaviy kun tartibidagi dolzarb masalalar yuzasidan fikr almashdi.
Mavzuga oid
12:52
O‘zbekiston va Qozog‘iston temiryo‘l tutashuvlarida o‘tkazish qobiliyati oshiriladi
22:46 / 30.03.2025
Qozog‘istondan ota-ona qaramog‘isiz qolgan 10 nafar bola O‘zbekistonga qaytarildi
20:01 / 29.03.2025
O‘zbekiston va Qozog‘iston prezidentlari Raqamli texnologiyalar va sun’iy intellekt ko‘rgazmasiga tashrif buyurdi
15:58 / 29.03.2025