AQSh Isroilga 7,4 mlrd dollarlik qurol sotishni ma’qulladi

AQSh prezidenti ma’muriyati Isroilga 7,4 milliard so‘mlik qurol sotishni ma’qulladi, deb xabar beradi Anadolu Ajansi.

Pentagonning Mudofaa xavfsizligi sohasi bo‘yicha hamkorlik agentligi tomonidan Kongressga yo‘llangan xabarnomada keltirilishicha, AQSh Davlat departamenti Isroilga 7,4 milliard dollarlik qurol sotishni ma’qullagan.

Xususan, AQSh tomoni Isroilga 660 million dollarga AGM-114 Hellfire raketalarini, shuningdek, 6,75 milliard dollarga bombalar, o‘q-dorilar, kuzatuv vositalari, raketa va yordamchi uskunalarni yetkazib beradi.

Shuningdek, Isroilga kichik diametrga mo‘ljallangan 2166 ta bomba, og‘irligi 500 funtni tashkil etadigan 2800 ta «fugas» bombalari, 13 mingta JDAM aviabombalari, minglab bombalar va turli toifadagi nishonni aniqlovchi tizimlarni sotadi.

«Ta’kidlash kerakki, AQSh ma’muriyatining mazkur tashabbusi Isroil bosh vaziri Binyamin Netanyahuning Vashingtonga tashrifi vaqtiga to‘g‘ri keldi. Agar 15 kun ichida AQSh Kongressi savdoni bloklovchi biror e’tirozni bildirmasa, savdoni ma’qullash jarayoni yakunlangan hisoblanadi», — deyiladi xabarda.

Avvalroq AQSh prezidenti Donald Tramp Isroil bosh vaziri Binyamin Netanyahuni hibsga olishga order bergani uchun javob tariqasida Haagadagi Xalqaro jinoiy sud (XJS)ga qarshi sanksiyalar joriy etish haqidagi farmonni imzolagandi.