Hamburgda o‘ng populistik «Germaniya uchun muqobil» partiyasidan Germaniya kansleri lavozimiga nomzod Alis Vaydelning tashrifiga qarshi mitingda 16 mingdan ortiq odam ishtirok etdi. Bu haqda 16 yanvar, payshanba kuni dpa agentligi xabar berdi.
Namoyishchilar Hamburgning asosiy vokzaliga yig‘ilib, u yerdan shahar ko‘chalari bo‘ylab yurishdi. Politsiya ma’lumotlariga ko‘ra, namoyish tinch o‘tgan. Xabar berilishicha, mitingga yoshlar ham, keksalar ham, bolali oilalar ham chiqqan.
Payshanba kuni kechqurun Vaydel Hamburgda nutq so‘zladi. Bu hududda GuM fraksiyasi 123 o‘rindan atigi 7 tasiga ega. Fraksiya a’zolari shahar hokimiyatida tadbir uyushtirib, Vaydelni taklif qilishdi. U 100 dan ortiq odam uni tinglagan to‘la zal oldida chiqish qildi.
Politsiya mahalliy parlament atrofini qo‘riqlashga oldi. Jami 1500 ga yaqin politsiyachi jalb qilingan. Bir necha kishi parlament binosi atrofidagi politsiya to‘sig‘ini buzib o‘tishga harakat qildi, deya xabar beradi dpa.
Hamburg rasmiylarining tanqidi
GSDP (53) va "Yashillar" (32) Hamburg parlamentida eng ko‘p o‘ringa ega. Federal davlat maqomiga ega bo‘lgan shaharni qizil-yashil koalitsiya boshqaradi. Hamburgning birinchi meri, sotsial-demokrat Peter Chencher Vaydelning nutqiga qarshi chiqdi. Uning so‘zlariga ko‘ra, «ba’zida hatto bu yerda ham chaqirilmagan mehmonlar bo‘ladi».
GSDPning Hamburg bo‘limi rahbari, mahalliy parlament a’zosi Dennis Tering voqeani tanqid qildi: «Bugun bizning go‘zal va erkin Hamburgda Rossiya tarafdori gapirayotgani achinarli. GuMga yo‘q deymiz».
