Misr G‘azo sektorida ikki kunlik o‘t ochishni to‘xtatish va bir necha asirlarni ozod etishni taklif qildi.

Bu haqda mamlakat prezidenti Abdel Fattoh as-Sisiy Qohirada jazoirlik hamkasbi Abdelmajid Tebbun bilan bo‘lib o‘tgan matbuot anjumanida aytib o‘tdi.

«Muvaqqat kelishuvga erishilgach, 10 kun ichida G‘azoda to‘liq otashkesimga o‘tish bo‘yicha maslahatlashuvlar o‘tkazilishi kerak», — deydi siyosatchi.