Rossiya so‘nggi mojarolar va Ukrainadagi urush bilan bog‘liq G‘arb harakatlari tahlili asosida yadroviy doktrinasini o‘zgartiradi. Bu haqda 1 sentabr, yakshanba kuni chop etilgan intervyuda Rossiya Federatsiyasi tashqi ishlar vaziri o‘rinbosari Sergey Ryabkov TASS’ga ma’lum qildi, «Biz bir necha bor ta’kidlaganimizdek, ish ilg‘or bosqichda va tuzatish kiritishning aniq yo‘nalishi, shu jumladan so‘nggi yillarda mojarolar rivojlanishi tajribasini o‘rganish va tahlil qilish, g‘arbdagi raqiblarimizning maxsus harbiy operatsiyaga bog‘liq bo‘lgan keskinlashuv kursi bo‘yicha barcha narsalar nazarda tutilgan», - dedi vazir o‘rinbosari.
Uning tushuntirishicha, hozirda tegishli hujjatni yakunlash jarayoni davom etmoqda, ammo uni aniq sanalar haqida gapirishga hali erta. «Ushbu ishni yakunlash muddati juda qiyin masala, chunki gap milliy xavfsizligimizni ta’minlashning eng muhim jihatlari haqida ketayotganini hisobga olish kerak», — dedi Ryabkov.
Rossiya siyosatchilari doktrinaga tuzatish kiritish haqida tobora ko‘proq gapirmoqda
Vazir o‘rinbosari Rossiyaning yadroviy doktrinasiga rejalashtirilgan o‘zgarishlar haqida bir necha bor e’lon qildi. Bu bo‘yicha yaqinda boshqa rossiyalik siyosatchilar ham ogohlantirgan. Xususan, 11 iyul kuni Rossiya prezidenti matbuot kotibi Dmitriy Peskov TASS muxbirining savoliga javob berar ekan, Rossiya yadroviy doktrinasiga tuzatish kiritish bo‘yicha munozaralar olib borilayotganini tasdiqladi. U ehtimoliy o‘zgarishlarni NATO harakatlariga javob deb atadi.
Rossiya tashqi ishlar vaziri Sergey Lavrov 27 avgust kuni ta’kidlaganidek, amerikalik siyosatchilar Rossiyaning «yadro qurolidan foydalanish doktrinasi haqida yaxshi bilishadi».
Rossiya yadroviy doktrinasi
2020 yilgi «Rossiya Federatsiyasining yadroviy tiyib turish sohasidagi davlat siyosati asoslari»ga binoan, agar dushman Rossiyaga qarshi ommaviy qirg‘in qurollari turlaridan foydalansa, Rossiya tomoni yadro qurolidan foydalanishi mumkin. Shuningdek, bu Rossiya va uning ittifoqchilariga hujum qilish uchun ballistik raketalar uchirilganligi to‘g‘risida ishonchli ma’lumot olingan bo‘lsa, Rossiya Federatsiyasiga oddiy qurollardan foydalangan holda tajovuz sodir bo‘lgan taqdirda, davlatning mavjudligi tahdid ostida bo‘lganda yuz beradi.
