Gideon Lustig Isroilning O‘zbekistondagi favqulodda va muxtor elchisi etib tayinlandi.
«Xalqaro munosabatlarda katta tajribaga ega va ikki tomonlama hamkorlikni rivojlantirishga sodiq bo‘lgan Gideon Lustig mamlakatlarimiz o‘rtasidagi sheriklik munosabatlarini mustahkamlashga tayyor. Biz uni samimiy qutlaymiz va ushbu lavozimda muvaffaqiyatli va samarali faoliyat tilaymiz», deyiladi Isroilning O‘zbekistondagi elchixonasi xabarida.
Gideon Lustig O‘zbekiston bilan bir qatorda Tojikistonda ham diplomatik missiyasini bajaradi. U 2022 yildan buyon Isroil Tashqi ishlar vazirligi siyosiy direktori shtab boshlig‘i lavozimida faoliyat yuritgan.
2020 yildan buyon Isroilning O‘zbekistondagi elchisi bo‘lgan Zeavit Ben-Hillel 2024 yil iyulida o‘z missiyasini yakunlagan edi.
