Ukrainada urushning 807-kuni o‘tdi. Asosiy ma’lumotlar:
Ukraina mudofaa vazirligi Rossiya qo‘shini 10 may kuni ukrainlarning Xarkiv oblastidagi mudofaasini yorib o‘tishga harakat qilgani, chegara hududida janglar ketayotgani haqida xabar berdi.
Norasmiy ma’lumotlarga ko‘ra, Rossiya Ukrainaning chegaradagi to‘rt qishlog‘ini — Streleche, Krasne, Pilnaya va Borisovkani qo‘lga olgan; Xarkiv oblasti rasmiylari buni rad etgan.
Xarkiv oblastining chegaradosh rayonlari o‘qqa tutilishi kuchaytirilishi oqibatida tinch aholi vakillaridan ikki kishi halok bo‘lib, besh kishi yaralangan.
Xarkiv shahri va Lipsi posyolkasida raketa zarbalaridan keyin bir necha uylar yonib ketgan, 11 yoshli o‘smir va ikki nafar keksa ayol yaralangan.
Sumi oblastida rossiyaliklar zarbasi oqibatida 64 yoshli ayol halok bo‘lib, uning 17 yoshli nabirasi jarohatlangan.
Kaluga oblastida neftni qayta ishlash zavodiga dronlar hujumidan keyin yong‘in chiqqan. Jarohat olganlar yo‘q.
Kun kadri. Xarkiv osmonida shimoliy yog‘du
Kuchli geomagnit bo‘roni tufayli 10 may kuni kechqurun Ukrainaning bir qancha oblastlari osmonida shimoliy yog‘du paydo bo‘ldi. Uni Xarkiv aholisi vakillari ham kuzatishi mumkin edi. Mart oyida Vladimir Putin Ukrainaning sharqiy qismida bufer zona tashkil etish zarurati haqida gapirgandi — RF hududlari chegara orqali o‘qqa tutilishi va bostirib kirilishining oldini olish uchun. Shundan keyin Xarkiv oblastida hujumlar kuchaytirildi.
Pavlo Parkhomenko / EPA / Scanpix / LETA
Xarkiv oblastining chegaradosh hududlarida evakuatsiya
Ukrainalik qutqaruvchilar Volchanskning keksa yoshli aholisini evakuatsiya qilmoqda — Ukrainaning Rossiya bilan chegarasidan besh kilometr masofada joylashgan bu shahar Rossiya qo‘shini tomonidan muntazam ravishda o‘qqa tutilmoqda
Politsiya Ukrainy / AP / Scanpix / LETAVolchansk shahri va atrofdagi qishloqlar aholisi evakuatsiya avtobuslarini kutmoqda
Vyacheslav Madiyevskyy / Reuters / Scanpix / LETAVyacheslav Madiyevskyy / Reuters / Scanpix / LETA
Xarkiv o‘qqa tutilishi
10 may kuni erta tongda Xarkivda portlash ro‘y berdi — ukrain rasmiylariga ko‘ra, rossiyaliklarning S-400 tizimidan uchirilgan raketa zarbasi oqibatida uchta turar joyda yong‘in chiqqan, shundan ikkitasi butkul yonib ketgan. Keksa yoshli ikki ayol hamda 11 yoshli bola jarohatlangan
Anadolu / Getty Images
Vinnitsada «Azov» jangchisining dafn marosimi
Ukrainalik Anastasiya o‘z qallig‘i Nazariya Grinsevichning tobuti oldida — «Azov»ning «Grinka» chaqiruv belgisiga ega jangchisi 6 may kuni Kreminna yaqinidagi jangda halok bo‘lgan. Grinsevich Mariupoldagi «Azovstal» zavodi 2022 yil bahorida qamal qilinganida uning eng yosh himoyachisi bo‘lgandi. «Azovstal» Rossiya qo‘shini tomonidan egallangach, Grinsevich ham asir tushgan — u to‘rt oydan ko‘proq vaqtni DXRdagi koloniyada o‘tkazgan, 2022 yil sentabrida asirlar almashinuvidan keyin uyga qaytgandi. Ko‘p o‘tmay Grinsevich quroldoshlari bilan «Kontakt 12» bo‘linmasini tashkil etadi va frontga qaytadi
Roman Pilipey / AFP / Scanpix / LETAVinnitsadagi Sabarovskiy qabristonidagi Qahramonlar xiyobonida Grinsevichning dafn marosimi
Roman Pilipey / AFP / Scanpix / LETAVinnitsa stadionida Grinsevich sharafiga o‘q uzildi
Kostiantyn Liberov / Libkos / Getty ImagesGrinsevichning onasi Mariana o‘g‘lining tobutiga qo‘l tekkizmoqda
Roman Pilipey / AFP / Scanpix / LETA
