KIUT bitiruvchilari uchun bo‘sh ish o‘rinlari ko‘rgazmasi tashkil qilindi

O‘zbekiston 16:31 / 10.05.2024 4228

Toshkent Kimyo xalqaro universiteti hamkor kompaniyalar ishtirokida bitiruvchi talabalar uchun bo‘sh ish o‘rinlari ko‘rgazmasini o‘tkazdi.

Bugungi raqobatbardosh akademik muhitda Toshkent Kimyo xalqaro universiteti talabalarga nafaqat sifatli ta’lim berish, balki o‘z bitiruvchilari eng yaxshi ish beruvchilar tomonidan izlanishini ta’minlashga harakat qilmoqda. Ushbu missiyaga muvofiq, universitetda an’anaviy tarzda bitiruvchi talabalar uchun keng qamrovli bo‘sh ish o‘rinlari yarmarkasi o‘tkazildi.

Tadbirda ish beruvchi kompaniya va tashkilotlarning taqdimotlari namoyish etildi va ular bilan bitiruvchilar o‘rtasida muloqot shakllantirildi. Ko‘rgazmada ishtirok etgan 36dan ortiq ish beruvchi kompaniyalar va 26dan ziyod loyihalar universitet bitiruvchilar bilan yaqindan tanishtirildi.

“Toshkent Kimyo xalqaro universitetining bugungi kunda 100dan ortiq hamkor tashkilot kompaniyalari mavjud. Bugun shulardan 30dan ortig‘i qatnashyapti. Ko‘rgazmaning alohida ahamiyati shundaki, kompaniya vakillari o‘z ko‘zlari bilan talabalarimizning loyihalarini ko‘rishlari mumkin”, - dedi universitetning hamkorlikni rivojlantirish bo‘limi boshlig‘i Miryoqub Mirzahmedov.

Universitet talabalari tomonidan:

  • KIUT IT Fest – “Axborot tizimlari muxandisligi” yo‘nalishi talabalarining loyihalari taqdimoti va saralash bosqichi;
  • Fashion show – “Liboslar dizayni” yo‘nalishi talabalari tomonidan yaratilgan libos kolleksiyalari namoyishi;
  • Beauty aethetics – “Chiroy estetikasi” yo‘nalishi talabalarining kosmetologik mahsulotlari va muolajalari taqdimoti;
  • Rassomchilik bo‘yicha master-klass (sopolga chizish) namoyish etildi.

Tadbirda “Axborot tizimlari muhandisligi” yo‘nalishi talabalarining ishtiroki alohida e’tiborga molik bo‘ldi, ular o‘zlarining eng so‘nggi yangiliklari va ishlanmalarini taqdim etdilar. Talabalarning loyihalari - universitetning texnologiya va tadqiqotlarga bo‘lgan e’tiboridan dalolat bermoqda.

Bo‘sh ish o‘rinlari yarmarkasi turli ilmiy sohalardagi ish beruvchilar va talabalarning jonli yig‘ilishiga aylandi. IT, ishlab chiqarish, moliya, muhandislik, ta’lim va boshqa ko‘plab yo‘nalishlarda faoliyat yuritayotgan korxona va tashkilotlar talabalarga keng ko‘lamli bandlik imkoniyatlarini taklif qildi.

🗂 Onlayn hujjat topshirish: https://admission.kiut.uz/

Bakalavriat: admission.kiut.uz
Magistratura: masters.kiut.uz

☎️ +99878 29-40-40 (ichki raqam – 1).
Web-page: www.kiut.uz 
Telegram: t.me/kiut_official
Facebook: facebook.com/kiut.uz
Instagram: instagram.com/kiut.uz_rasmiy_kanal

Reklama

Ko‘proq yangiliklar: