O‘zbekiston Qirg‘izistonga qishda ushlab qolingan elektr energiyasini qaytarishni boshladi

Iqtisodiyot 14:42 / 22.05.2023 28762

O‘tgan yilga nisbatan Qirg‘izistonga elektr energiyasi importi hajmi 5,7 foizga kamaydi. 

Joriy yilning dastlabki uch oyi davomida elektr energiyasining asosiy hajmi Qozog‘istondan keldi - 485,9 million kilovatt-soatdan ortiq yoki 52,3 foiz. Qozog‘iston elektr energiyasining umumiy qiymati 1 milliard 259 million 961,2 ming somni tashkil qildi. Taqdim etilgan ma’lumotlarga ko‘ra, 1 kilovatt-soatning narxi o‘rtacha 2,59 somga teng bo‘ldi.

Fevral oyidan boshlab Turkmanistondan elektr energiyasi yetkazib berish qayta tiklandi. Ikki oy davomida Qirg‘izistonga 297,3 million kilovatt-soatdan ortiq energiya yetkazib berildi, bu umumiy hajmning deyarli uchdan bir qismini (32 foiz) tashkil etadi. Umumiy qiymati 778 million 675,4 ming som – o‘rtacha 2,6 som.

Nashrning yozishicha, mart oyidan Qirg‘iziston O‘zbekistondan elektr energiyasi import qila boshlagan. Avvalgi hisobotlarda O‘zbekistondan yetkazib berish hajmi ko‘rinmagan. Oy davomida 145,6 million kilovatt-soatdan ortiq elektr energiyasi yetkazib berildi. 

2023 yil yanvar oyida Turkmanistondan elektr energiyasi import qilinmadi. O‘shanda Qirg‘iziston Energetika vazirligi O‘zbekistondagi energetika inqirozi sharoitida elektr energiyasi yetkazib berish vaqtincha to‘xtatilgani haqida xabar bergan edi. 

«O‘zbekiston Turkmanistondan Qirg‘izistonga o‘z hududi orqali yetkazib berilayotgan elektr energiyasini ushlab turdi va keyinchalik Qirg‘izistonga ushlab qolingan elektr energiyasini qoplash majburiyatini oldi», — deyiladi xulosada.

Ko‘proq yangiliklar: