O‘zbekistonning chet davlatlardagi vakolatxonalari huzurida 55 ta referendum uchastkasi tuziladi

«O‘zbekiston Respublikasining referendumi to‘g‘risida»gi qonun 16 va 18-moddalariga, Saylov kodeksining 16-moddasiga, Markaziy saylov komissiyasining 2022 yil 13 iyuldagi 1178-sonli qarori bilan tasdiqlangan O‘zbekistonning xorijiy davlatlardagi diplomatik va boshqa vakolatxonalari huzurida referendum uchastkalari hamda referendum o‘tkazuvchi uchastka komissiyalarini tashkil etish tartibi to‘g‘risidagi nizomga asosan hamda Tashqi ishlar vazirligining taqdimnomasiga muvofiq O‘zbekistonning chet davlatlardagi diplomatik va boshqa vakolatxonalari huzurida referendum uchastkalari tuziladi.

Ushbu qonun talablaridan kelib chiqib, Markaziy saylov komissiyasi majlisida O‘zbekistonning chet davlatlardagi diplomatik va boshqa vakolatxonalari huzurida 55 ta referendum uchastkasini tuzish to‘g‘risida qaror qabul qilindi va hamda mazkur referendum uchastkalarini 14-Toshkent shahar referendum okrugiga biriktirildi.

Majlisda Tashqi ishlar vazirligining taqdimnomasiga asosan 2023 yil 30 aprelda bo‘lib o‘tadigan O‘zbekiston Respublikasi referendumida Yevropada xavfsizlik va hamkorlik tashkilotining Demokratik institutlar va inson huquqlari byurosidan qatnashadigan kuzatuvchilarni akkreditatsiya qilish to‘g‘risida qaror qabul qilindi.