Telefon saqlash uchun eng xatarli joylar

Fan-texnika 20:15 / 08.01.2023 113632

Bugungi elektron texnikalar asrida yashayotgan bo‘lsak-da, ularni salomatligimizga ziyon yetkazishlariga jim qarab turib bo‘lmaydi. Aksariyat holatlarda bu aynan bizning elektron qurilmalardan noto‘g‘ri foydalanganligimiz uchun sodir bo‘ladi.

Eng ko‘p foydalaniladigan smartfonlardan ham zararsiz foydalanish imkoniga egamiz. Quyida salomatlikka ziyon yetmasligi uchun telefon saqlab bo‘lmaydigan joylar haqida ma’lumot berib o‘tamiz.

1. Shimning orqa cho‘ntagi

Telefonni orqa cho‘ntakka solib yurish juda qulay bo‘lishi mumkin, ammo bu joyni tanlasak, quyidagi muammolarga duch kelishimiz mumkin:

Foto: Freepik
  • telefonning sensorli ekrani nafaqat barmoqlarga, balki dumba harakatlariga ham sezgirdir, ba’zida biz tasodifan favqulodda yordam raqamlarini terib yuborishimiz mumkin. Bu esa o‘zimizga keraksiz muammolarni keltirib chiqaradi.
  • odam gavjum joylarda telefoningizni yo‘qotish yoki unutish juda ham oson.
  • juda ko‘p uchraydigan muammolardan biri – o‘tirganda telefon ekranining sinib qolishi.

2. Shimning oldingi cho‘ntagi

Foto: Freepik

Erkaklar odatda qo‘l sumkalarini olib yurishmaydi, shuning uchun ular telefonlarini shimning old cho‘ntagiga solib qo‘yishadi. Ammo bu erkaklar salomatligi uchun xavflidir. Tadqiqotlar shuni ko‘rsatdiki, mobil telefonlar tomonidan ishlab chiqarilgan elektromagnit nurlanish sperma sifati va miqdoriga ta’sir qilishi mumkin. Telefoningizni qancha uzoq vaqt shimingizga solib yursangiz, xavf shunchalik yuqori bo‘ladi.

3. Ko‘krak qafasidagi cho‘ntak

Foto: Getty Images

Mobil telefon radiatsiyasi saraton xavfini oshirishi mumkinligi haqida aniq dalillar yo‘q. Ammo ba’zi olimlarning fikriga ko‘ra, ko‘krak oldida mobil telefonni osib qo‘yish ko‘krak bezi saratoni rivojlanish xavfini oshiradi.

4.    Qo‘ng‘iroqqa javob berayotganda telefon teriga tegmasligi kerak

Foto: Getty Images

Mobil telefon ekrani eng notoza joylardan biri sifatida tan olingan. Qo‘llarimizdagi bakteriyalarning aksariyati mobil telefon ekranida qoladi. Shuning uchun ham gaplashayotganda smartfon yuzga tegmasligi kerak. Bundan tashqari, elektromagnit nurlanish xavfi ham ortadi. Qurilma va teri orasidagi masofa kamida 0,5-1,5 sm bo‘lishi kerak.

5. Issiqlik manbai yaqinida

Foto: Getty Images

Yuqori harorat elektron qurilmalar uchun zararli. Issiq havoda telefoningizni mashinada qoldirmaslik tavsiya etiladi. Bundan tashqari, uni pechning yoniga qo‘ymaslik kerak. Yuqori harorat batareyaning portlashiga olib kelishi mumkin.

6. Bolalar aravachasida

Qulay bo‘lishi uchun onalar odatda uyali telefonlarini aravachaga qo‘yishadi. Ko‘pgina tadqiqotlar shuni ko‘rsatdiki, bolalarning uyali telefonlarga muddatidan oldin tegishining oldini olish yaxshiroqdir. Ular bolalarga salbiy ta’sir ko‘rsatishi mumkin.

7. Yostiq ostida yoki yonida

Bir necha sabablarga ko‘ra smartfoningizni yostiq yoniga qo‘ymang:

Foto: Getty Images
  • kechasi ma’lumot kelganda ekran odatda yonib turadi, bu uyquni buzishi va dam olishga ta’sir qilishi mumkin;
  • uzoq muddatli elektromagnit nurlanish bosh og‘rig‘iga va bosh aylanishiga olib kelishi mumkin;
  • telefon yostiq ostida qolgandan keyin undan hosil bo‘lgan issiqlik tarqalmaydi, bu esa portlash va yong‘inni osonlik bilan yuzaga keltirishi mumkin.

Bu sabablar kichik bo‘lib tuyulishi mumkin, ammo bu salomatligimiz uchun muhimdir.

Nima uchun smartfonni tunda quvvatlagichda qoldirib bo‘lmaydi?

Zamonaviy batareyalar o‘zlarining afzalliklariga ega bo‘lsa-da, bu quvvat har doim 30-80 foizgacha bo‘lishi kerakligini inkor etmaydi. 100 foizli quvvat, shuningdek, telefonning doimiy 0 foizli quvvatsizligi bir xil darajada zararli va batareyaning maksimal quvvatiga ta’sir qiladi. Shuning uchun telefonni uzoq vaqt (masalan, tunda) quvvatlagichda qoldirish mumkin emas. Yaxshiyamki, zamonaviy smartfonlar energiya oqimini ma’lum darajada cheklashga qodir.

Foto: Getty Images

Shu bilan bir qatorda, telefon qurilmangizni quyidagi holatlardan ham asrashingiz maqsadga muvofiq bo‘ladi.

G‘ilof - bu sizning smartfoningizni tashqi ta’sirlardan himoya qilish imkonini beruvchi foydali aksessuardir. Biroq zaryad olayotganda telefonni g‘ilof bilan qoldirmaslik lozim, chunki bu holatda quvvatlagich qizib ketadi.

Sovuq. Agar gadjet sovuq havodan darhol issiq joyga olinsa, uning ustida qismlarga ziyon yetkazuvchi zararli moddalar yig‘iladi.

Sumka. Sumkada juda ko‘p chiqindi bo‘lishi mumkin. Natijada, ular qurilmaning ishlashini ta’minlaydigan teshiklar, dinamiklar, sensorlarga tiqilib qolishi mumkin.  

Pastga qaragan ekran. Smartfonlar juda sezgir ekranlarga ega bo‘lib, qurilma ekrani tepaga qaragan bo‘lsa va o‘sha vaqtda turli bildirishnomalar kelsa, u yonadi va sizga ishora beradi. Agar telefon ekranini pastga qaratib qo‘ysangiz, u hatto qo‘ng‘iroq kelsa ham yonmasligi mumkin.

Telefon uzoqligi. Agar siz uxlashni va o‘zingizni yaxshi his etishni istasangiz, smartfoningizni imkon qadar uzoqroqqa qo‘yishingiz kerak. U shunday masofada tursinki, uni olish uchun o‘rningizdan turishga to‘g‘ri kelsin.

Ko‘proq yangiliklar: