Испанияда Kinder маҳсулоти билан боғлиқ илк салмонеллёз касаллиги ҳолати аниқланди

Жаҳон 17:38 / 21.04.2022 4758

Испанияда Kinder маҳсулоти билан боғлиқ илк салмонеллёз касаллиги ҳолати аниқланди, деб хабар берди Mundo газетаси.

Газетанинг қайд этишича, Европа касалликлар профилактикаси ва назорати маркази Испаниядаги илк ҳолат ҳақида хабар қилган.

Хабар қилинишича, Испания соғлиқни сақлаш органлари салмонеллёз билан боғлиқ яна иккита ҳолатни ўрганмоқда.

Икки ҳафта аввал Испания озиқ-овқат хавфсизлиги агентлиги Белгияда тайёрланган Kinder маҳсулотларини сотувдан олишни буюрганди.

Апрел бошларида Европада Kinder маҳсулотлари билан боғлиқ деб тахмин қилинган 100дан ортиқ салмонеллёз касаллигига чалиниш ҳолатлари қайд этилгани хабар қилинганди.

Белгия озиқ-овқат хавфсизлиги агентлиги Арлон шаҳридаги Kinder маҳсулотлари ишлаб чиқарувчи Ferrero шоколад фабрикаси фаолиятини вақтинчалик тўхтатиб қўйган

Кўпроқ янгиликлар