AQShda noma'lum uchar jismlarni o‘rganuvchi tuzilma tashkil etiladi

Senatorning ta'kidlashicha, yangi tuzilma AQSh harbiy-dengiz kuchlarining 2020 yilda tashkil etilgan Noma'lum havo hodisalari bo‘yicha maqsadli guruhi (Unidentified Aerial Phenomena Task Force) o‘rnini egallaydi. Jillibrand yangi tuzilma mudofaa vazirligi va razvedka xizmatlaridan NUJlar haqida ma'lumotlar olishini qo‘shimcha qilgan. Shuningdek, u NUJ bilan bog‘liq hodisalarning milliy xavfsizlikka tahdidini baholaydi.

Pentagon maqsadli guruhni NUJ bilan bog‘liq hodisalarni tergov qilish uchun tashkil etgandi. Uning vazifalari NUJni aniqlash, tahlil qilish va milliy xavfsizlikka xavf soluvchi NUJlar ro‘yxatini tuzishdan iborat. 

2021 yil iyunda AQSh maxsus xizmatlari kongress so‘rovi bilan NUJlar bo‘yicha hisobotni taqdim etgandi. Unda 2004 yildan 2021 yilgacha AQSh tomonidan NUJ bilan bog‘liq 144ta hodisa qayd qilingani aytilgan. Hozircha ularni tushuntirishning imkoni bo‘lmagan, chunki mavjud ma'lumotlar bunga ozlik qiladi. Hisobot mualliflari NUJlar milliy xavfsizlikka tahdid solishi mumkinligini aytishgan. Shu bilan birga, ular NUJlar xorijiy razvedkalarning ma'lumotlar to‘plashga mo‘ljallangan ilg‘or texnologiyalari bo‘lishi mumkinligini ta'kidlab o‘tishgan.