Surxondaryo viloyati Termiz tumanida o‘zini departament xodimi deb tanishtirgan shaxs fuqaroning 30 million so‘m pulini o‘zlashtirib ketgan. Bu haqda viloyat IIB axborot xizmati xabar bermoqda.

Ma'lum qilinishicha, 2021 yil 24 sentabr kuni Termiz tumani M.Eshtemirov mahallasida yashovchi, S.S. tuman IIBga ariza bilan murojaat qilgan. Uning murojaatiga ko‘ra, Termiz shahar Do‘stlik mahallasida yashovchi, I.B. o‘zini departament xodimi deb tanishtirib ishonchiga kirgan. So‘ng joriy yil 24 aprel kuni hunarmandchilik qilish uchun tuman bankidan 30 million so‘m kredit chiqartirib, pulni o‘zlashtirib ketgan.

Qayd etilishicha, joriy yil 19 oktabr kuni I.B.ga nisbatan Jinoyat kodeksining 168-moddasi 2-qismi «a» bandi bilan jinoyat ishi qo‘zg‘atilgan.