Energetika va mexanika sohasidagi olim, O‘zbekiston Fanlar akademiyasi akademigi, texnika fanlari doktori, professor To‘lqin Bekmuratov olamdan o‘tdi. Bu haqda Innovatsion rivojlanish vazirligi matbuot xizmati rahbari Nazokat Abduqunduzova o‘z telegram kanalida ma'lum qildi.

To‘lqin Fayziyevich Bekmuratov 1935 yilda tug‘ilgan. Moskva energetika institutini tugatgan.

Kasbiy faoliyatini O‘zbekiston FA «Kibernetika» ilmiy ishlab chiqarish birlashmasi bosh direktori o‘rinbosari sifatida boshlagan. 1997 yildan shu birlashmaning tizimli tadqiqotlar institutida laboratoriya mudiri, 1992-1997 yillarda Qarshi davlat universiteti rektori sifatida faoliyat yuritgan.

Kun.uz tahririyati marhumning oila a'zolariga chuqur ta'ziya izhor qiladi.