Talabgorlar quyidagi bo‘limlardan biriga o‘z nomzodlarini taklif qilishlari mumkin:

1. Jamiyat (Ijtimoiy sohalarga doir tezkor xabarlar, tahliliy maqolalar va surishtiruvlar o‘tkazishni qamrab oladi);

2. Iqtisodiyot (iqtisodiyot, moliya, soliq, bank va savdo sohalaridagi o‘zgarish va yangiliklarni tahlil qilish);

3. Rus tahririyati (O‘zbekiston va xorij yangiliklarini rus tilida yoritib borish);

4. O‘zbek tahririyatida muharrirlik (tahrir, materiallarni saytda e'lon qilish uchun yakuniy ko‘rinishga keltirish).

Jamiyat va iqtisodiyot bo‘limlariga jurnalist kadrlardan tashqari muayyan ijtimoiy-iqtisodiy sohalardagi ekspertlar ham ishga qabul qilinadi.

Nomzodlarga quyidagi birlamchi talablar qo‘yiladi:

• jurnalist va muharrirlar uchun – jurnalistika va elektron OAV sohasida kamida 2 yillik muvaffaqiyatli ish tajribasi;
• ekspertlar uchun – o‘z sohasidagi zamonaviy tendensiyalardan xabardorlik, ijtimoiy-siyosiy jarayonlarga obektiv baho berish, o‘z fikrlarini ravon ifodalay olish;
• saytning Toshkent shahridagi bosh ofisida to‘liq ish vaqti rejimida ishlash;
• kompyuter va internetda eng birlamchi dasturlardan foydalana bilish, matnlarni tez va bexato terish;
• o‘zbek yoki rus tillarida savodxonlik (boshqa xorijiy tillarni bilish qo‘shimcha ustunlik beradi).

Kun.uz nimalarni taklif qiladi?

• sohada raqobatbardosh maosh – dastlabki bosqichda 5–7 mln so‘m (aniq summa nomzodning salohiyatiga va zimmasiga oluvchi ish hajmiga qarab bundan ham ko‘proq bo‘lishi mumkin);
• poytaxt markazida jurnalistik faoliyat uchun barcha sharoitlarga ega ofis;
• kuniga ikki mahal bepul issiq ovqat;
• ishga doir xarajatlarning muntazam ravishda qoplab berilishi.

Taklifimizga qiziqish bildirganlardan quyidagi link orqali o‘tib, so‘rovnomani to‘ldirishlarini so‘raymiz:

Eslatma: Saralab olingan nomzodlar tahririyatga bevosita suhbatga taklif etiladi. So‘rovnomani to‘ldirganlarga yozma javob berilmaydi, suhbatga va ishga qabul qilmaslik sabablari tushuntirilmaydi.