Apple компанияси 2021 йилда навбатдаги бюджет смартфонини ишлаб чиқаради. Бу ҳақда ўз манбаларига таяниб cnBeta нашри хабар берди.

 Янги смартфон iPhone SE 3 ёки SE Plus деб номланади. Маълумот берилишича, унинг экрани 6,06 дюйм бўлиб, ташқи кўриниши iPhone 8 Plus билан бир хил бўлади.  

 Мутахассислар янги қурилма Apple A14 Bionic чипи ва қўшалоқ камера билан жиҳозланишини тахмин қилмоқда. iPhone SE Plus нархи 3500 юан ёки 535 доллар бўлади.

Apple ҳозирда ушбу қурилма устида иш олиб бормоқда, модел 2021 йил бошида тақдим этилади.

2020 йил баҳорида тақдим этилган iPhone SE 4,7 дюймли IPS-экран, Apple A13 Bionic процессори, уч гигабайт тезкор ва 64 гигабайт доимий хотирага эга. 

 Consumer Intelligence Research Partners (CIRP) мутахассисларининг сўзларига кўра, Apple компанияси 2020 йилда сотган барча смартфонларининг 20 фоизини iPhone SE ташкил қилган.