Qashqadaryo viloyatidagi ta'lim muassasalarini dezinfeksiya vositalari bilan ta'minlashga mahalliy budjetdan 2 milliard 363 million so‘m mablag‘ ajratildi. 

Viloyat hokimligi xabarida aytilishicha, ushbu mablag‘larga 4300 dona pirometr, 6900 dona dozator va boshqa antiseptik vositalar olib kelinmoqda. 

Qayd etilishicha, ta'lim jarayonini tashkil etishda qo‘llaniladigan dezinfeksiya vositalarining birortasi ham o‘qituvchi yoki o‘quvchilar tomonidan xarid qilinmaydi. 

Viloyat hokimligi shunday holatlarga duch kelinsa @qvh_murojaat yoki 75 220-03-00 raqamiga murojaat qilishni so‘ragan.