Nissan kompaniyasi sobiq rahbari Karlos Gon kompaniya ikki-uch yil ichida bankrot bo‘lishini taxmin qilmoqda, dedi Gonning advokatlaridan biri Nobuo Goxara.
Goxaraning aytishicha, u Gon Yaponiyadan qochib ketishidan ikki oy oldin besh marta uchrashgan, ular Gonning hibsga olinishi va buning oqibatlarini muhokama qilishgan.
"Gon Nissan yaqin ikki-uch yil ichida bankrot bo‘lishini aytgan", - dedi Goxara.
Goxara Gon to‘g‘risida kitob chiqarish uchun ma'lumot to‘plagan. Ularning oxirgi uchrashuvi Nissan sobiq rahbarining qochib ketishidan ikki-uch kun avval bo‘lgan.
Tokioda uy qamog‘ida bo‘lgan Gon dekabr oxirida Yaponiyadan Livanga qochib ketgandi.
