Олий таълим соҳасида ойлик маошларни адолатли белгилаш таклиф қилинмоқда

Жамият 10:06 / 06.12.2019 23387

Олий ва ўрта махсус таълим соҳасида тоифа бериш тизимини қайта кўриб чиқиш таклиф қилинмоқда. “Менинг фикрим” жамоавий мурожаатлар порталида тегишли петиция жойлаштирилган.

Қайд этилишича, олий ва ўрта махсус таълим тизимида ўқитувчиларга тоифа бериш тизимини қайта кўриб чиқиш лозим. Чунки 1998 йилгача берилган олий тоифалар қолдирилиб, ундан сўнг олий тоифа олган ҳамма ўқитувчилардан уларнинг иш фаолиятини таҳлил қилмасдан тоифалари олиб ташланган.

“Ваҳоланки, олий тоифани олиш учун катта меҳнат қилинади. Масалан, олий тоифани олиш учун тиббиёт йўналишида ўрта махсус таълим соҳасида ўқув адабиётлари, ўқув қўлланмалар, электрон китоблар, ўқув-услубий мажмуа ва мақолалар тайёрлаб, чоп эттириш талаб этилар эди. Бироқ ҳозирги кунда олий тоифаси олиб ташланган кўп йиллик иш тажрибасига эга бўлган ўқитувчиларнинг ойлик маошлари ва уларнинг ижтимоий ҳимоясига қаратилган эътибор етарли даражада эмас”, - деб ёзади мурожаат муаллифи.

Юқоридагиларни инобатга олган ҳолда, олий ва ўрта махсус таълим соҳасида тоифа бериш тизимини қайта кўриб чиқиш ва ойлик маошларни адолатли белгилаш таклиф қилинмоқда.

Кўпроқ янгиликлар