АҚШ президенти Дональд Трамп твиттерда ноодатий суратини эълон қилди. 

Гап шундаки, ушбу сурат фотомонтаж бўлиб, унда боксчи Рокки ҳақидаги фильмлар қаҳрамони танасига Трампнинг юзи қўйилган. 

Трампнинг ўзи ушбу суратга ҳеч қандай изоҳ қолдирмаган.

Google’да ушбу суратнинг асли қидирилганда, 1982 йилда экранлар юзини кўрган, Сильвестр Сталлоне иштирокидаги “Рокки 3” фильми постери чиққан. 

Ижтимоий тармоқ фойдаланувчилари Трампнинг бу постига жавобан унинг гольф ўйини вақтида беўхшов тушган суратларини жўната бошлашган.