Indoneziyada etnik va irqiy kamsitishlarga qarshi o‘tgan namoyishlarda kamida 20 kishi halok bo‘ldi. Bu haqda Agence France-Press axborot agentligi xabar berdi.

Hukumat ma'lumotlariga ko‘ra esa 16 kishi halok bo‘lgan. Odamlar o‘limiga Jayapur shahridagi yong‘in va politsiya bilan to‘qnashuvlar sabab bo‘lgan.

Ta'kidlanishicha, yana 65 kishi turli og‘irlikdagi jarohatlar olgan. Bundan tashqari, yana 300 kishi huquq-tartibot idoralari tomonidan ushlangan. 

Noroziliklar avgust oxirida Papua va G‘arbiy Papua viloyatlarida mamlakatning boshqa shaharlarida papualik talabalarga hujumlar sodir etilgani haqida internetda ma'lum qilingandan keyin boshlangan.