17 iyun kuni Qumqo‘rg‘on tuman jinoyat ishlari bo‘yicha sudi binosida sudya Yashin Niyozov raisligida sudlanuvchi E.T.ga nisbatan jinoyat ishi ko‘rib chiqildi.

Ushbu ochiq sud majlisida aniqlanishicha, E.T. firibgarlik va pora berishga undash bilan Sho‘rchi tumani «Go‘zallik» mahallasidagi S.E.ni Termiz davlat universitetiga o‘qishga kiritib qo‘yishga va'da berib, 2019 yil 28 aprel kuni Jarqo‘rg‘on tumani markazida 4000 AQSh dollarini olgan vaqtida ushlangan.

Sudlanuvchi sud majlisida aybiga to‘liq iqror bo‘lgan. Shu bilan birga, u S.E.dan olgan pullarini hech kimga berish niyati bo‘lmagani va universitetda tanishlari yo‘qligini tan olgan.

Ushbu shaxs Jinoyat kodeksining 168-moddasi («firibgarlik») 2-qismi «a» bandi va 211-moddasi («pora berish») 1-qismi bilan aybli deb topildi. Unga nisbatan 2 yil muddatga ozodlikni cheklash jazosi tayinlandi.

Taraflarga tegishli muddat ichida shikoyat va protest keltirish tartibi tushuntirildi.