Бегемотлар регби ўйини вақтида майдонга бостириб келди (видео)

Lifestyle 22:03 / 31.05.2019 10798

Жанубий Африка Республикасининг Цанин шаҳрида ўтган регби учрашувини бегемотларнинг майдонга бостириб келиши сабабли тўхтатишга тўғри келди. Бу ҳақда Far North Bulletin маҳаллий нашри хабар берди. 

Икки маҳаллий жамоанинг ўйини Letaba Rugby Club майдонида ўтган.

Ўйин вақтида бегемотлар майдонга чиқиб, у ердаги майсани ейишга тушиб кетган.

Нашр раҳбари Жо Дрейернинг фикрича, бундай кўп бегемотларнинг ёпирилиб келишига стадион яқинида Летаба дарёси жойлашгани сабаб ҳисобланади.

Таъкидланишича, ЖАРнинг шимолидаги Сент-Люша шаҳарчаси кўчаларида бегемотларни учратиш оддий ҳол ҳисобланади. Гап шундаки, шаҳарча яқинида Исимангалисо қўриқхонаси жойлашган бўлиб, у ерда кўплаб бегемотлар яшайди. Шаҳарни “гиппопотамлар шаҳри” деб ҳам аташади ва у ерда кўчаларда “Гиппопотамлардан сақланинг” деган огоҳлантирувчи белгини ҳам учратиш мумкин.

Кўпроқ янгиликлар