O‘zbekistonda oziq-ovqat mahsulotlari narxlari yanvar (oy davomida 3,5%), sentabr (3,3%) va oktabr oylarida (2,3%) sezilarli darajada qimmatlashdi. Bu haqda Davlat statistika qo‘mitasi xabar bermoqda.

Iyun va iyul oylarida umumiy oziq-ovqat mahsulotlari narxlari darajasining pasayishi tom ma'noda bozorlarning yangi meva-sabzavot hosillari bilan to‘yinganligi, shuningdek, parranda go‘shti va tuxum kabi mahsulotlar narxlarining sezilarli darajada arzonlashganligi bilan tavsiflanadi.

Iste'mol sektoridagi asosiy turdagi oziq-ovqat mahsulotlari guruhlari orasida non mahsulotlari (0,9%), go‘sht mahsulotlari (1,1%), tuxum (15,1%) va meva-sabzavot mahsulotlarining qimmatlashishi oktabr oyidagi oziq-ovqat mahsulotlari va umumiy narxlar darajasining ko‘tarilishiga jiddiy ta'sir ko‘rsatdi.

Eslatib o‘tamiz, avvalroq yil boshidan beri oliy navli undan non 51 foizga qimmatlashgani xabar qilingandi.