Apple Inc. kompaniyasi Nyu-Yorkda 30 oktabrda o‘tadigan tadbirda Mac shaxsiy kompyuteri va iPad’ning yangi versiyalarini taqdim qiladi. 

Jurnalistlar “There's more in the making” shiori bo‘lgan tadbirga taklif olishgan.  

Ma'lum qilinishicha, tadbir mahalliy vaqt bilan soat 10da boshlanadi. Ayfonlar taqdimotidan farqli, tadbir Apple’ning Kupertinodagi bosh qarorgohida emas, balki Bruklindagi Xovard Gilman teatrida bo‘lib o‘tadi. 

Kompaniya tadbirda ekrani atrofida kichraytirilgan ramkali, Face ID funksiyasiga ega yangi iPad Pro’ni taqdim qiladi. Bundan tashqari, kompaniya yangi makbukni ko‘rsatishi mumkin.