Instagram foydalanuvchilari endi do‘stlardan kim onlayn ekanligini ko‘ra olishlari mumkin, deb ma'lum qilindi dastur blogida.

Dasturning yangi versiyasida internetda bo‘lgan foydalanuvchilar Facebook messenjeridagi kabi yashil belgi bilan belgilanadilar. Foydalanuvchining onlayn ekanligi-yo‘qligini agar u do‘stlar orasida bo‘lsa yoki u bilan yozishma olib borilgan bo‘lsa ko‘rish mumkin.

Shuningdek, foydalanuvchi onlayn ekanligini yashirib qo‘yishi mumkin. 

Avval Instagram do‘stlardan kim onlayn ekanligini faqat Direct bo‘limida ko‘rishga imkon bergan. Dasturning yangi versiyasida yashil belgi yangiliklar tasmasida faol foydalanuvchilar suratlari yonida paydo bo‘lgan.