Rossiya avtomobil bozorida eng arzon yangi avtoulovlar ro‘yxatida Ravon R2 beshinchi pog‘onani band qilmoqda. «Rossiyskaya gazeta» tomonidan tayyorlangan ro‘yxatni boshlang‘ich qiymati 389 900 rubl bo‘lgan Lada Granta sedan avtomobili boshqarib turibdi.

GM Uzbekistan tomonidan ishlab chiqarilayotgan Ravon R2 avtomobilining praystlistda ko‘rsatilgan dastlabki narxi 439 900 rubl bo‘lib, Lada Kalina avtomobilidan ham arzon (440 600 rubl) turishi ma'lum bo‘ldi. Shuningdek, ro‘yxatning ikkinchi va uchinchi pog‘onasida Lada Priora va Lada Granta liftbek ulovlari ko‘rsatilgan.

Ro‘yxatning birinchi o‘ntaligidan Ravon Nexia sedan, Lada 4x4 va Renault Logan mashinalari ham o‘rin olgan.