Google kompaniyasi va Walmart supermarketlar tarmog‘i elektron savdo sohasidagi hamkorlik haqida e'lon qilishdi. AFP shu haqida xabar berdi. 

Manbaga ko‘ra, Walmart o‘z tovarlarini Google Assistant tizimi orqali ovozli xaridda taklif qilmoqchi. 

Ta'kidlanishicha, mazkur hamkorlik kompaniyaning  internet-bozordagi asosiy raqibi - Amazon'dan o‘zib ketishiga yo‘naltirilgan. Shu oy boshida taqdim etilgan uchinchi chorak hisobotlari Walmart'ning raqibidan doimiy ortda qolayotganini tasdiqlamoqda. 

Google shuningdek onlayn-do‘konlar faoliyatini ham kengaytirishga intilmoqda.