Mashhur Hollivud aktyori Antonio Banderas Ferruchcho Lamborgini haqidagi hujjatli badiiy filmda bosh qahramon rolini ijro etadi. Bu haqda Variety yozmoqda.

Kinokartinada, shuningdek, Entso Ferrari rolini Alek Bolduin ijro etadi. Filmga «Pochtalon» dramasi orqali tanilgan Maykl Reford rejissyorlik qiladi. Stsenariyni «To‘qnashuv» va «Millionlik qizcha» ssenariylarida qatnashgan Bobbi Moresko yozadi. 

Stsenariy kompaniya asoschisining o‘g‘li Tonino qalamiga mansub «Ferruccio Lamborghini. La storia ufficiale» («Ferruchcho Lamborgini. Rasmiy tarix») kitobi asosida yoziladi. 

Hozircha, kinokartina qachon katta ekranlarga chiqishi ma'lum emas.