Chexiyaning Skoda markasi Yevropa bozori uchun yangi yo‘ltanlamas chiqarilishi haqida ma'lum qildi. Bu haqda kompaniya matbuot xizmati markaning YouTube’dagi rasmiy kanalida xabar bergan.

Avtomobil Karoq deb nomlanadi hamda taxminlarga ko‘ra, model qatorida Yeti o‘rnini egallaydi. Mashina nomi Alyaska janubiy sohillarida yashovchi alutiik xalqidan olingan.

Yangilik texnik xususiyatlari sir saqlanmoqda, biroq ba'zi ma'lumotlarga ko‘ra, mashina ikki dvigatel variantiga ega bo‘ladi: quvvati 120 va 184 ot kuchi bo‘lgan. Avtomobil rasmiy premerasi 18 may kuni Stokholmda bo‘lib o‘tadi.