AQShning General Motors kompaniyasi Venesuela shimolidagi  Valensiya sanoat hududida joylashgan zavodi Venesuela hukumati tomondan noqonuniy qo‘lga olinganini ma'lum qildi. Bu haqda kompaniyaga iqtibos keltirgan holda Reuters axborot agentligi xabar bermoqda.    

Ma'lum qilinishicha, konsern o‘z huquqlarini himoya qilish uchun barcha zarur bo‘lgan qonuniy haarkatlarni amalga oshiradi.

Kontsern kutilmaganda Venesuela hukumati nazoratiga olingan. GM’da bunday sharoitlarda korxona normal ishlay olmasligi ta'kidlab o‘tildi. Bundan tashqari, avtokonsernning ishlab chiqarish maydonchalaridagi barcha aktivlar, jumladan avtomobillar tortib olingan.   

Kompaniyada ta'kidlanishicha, zavodning noqonuniy qo‘lga olinishi kompaniyaning o‘ziga, unda ishlovchi 2678 xodimga, 79 dilerga va barcha yetkazib beruvchilarga katta zarar yetkazadi.  

Axborot agentligi Venesuela hukumatidan ushbu masala bo‘yicha izoh olishga muvaffaq bo‘lmagan.