Internetda 23 daqiqali noodatiy video ommalashdi. Unda Skotti Allen Xitoyning Huaqiangbei radiobozorida ehtiyot qismlarini sotib olishi hamda ulardan yangi iPhone'ni yig‘ib berishi tasvirlangan.
Allenning so‘zlariga ko‘ra, u umumiy hisobda ming dollarga yaqin mablag‘ sarflagan, biroq yig‘ish jarayonida ehtiyot qismlaridan ko‘pi va boshqa asboblar talab etilmagan. Ishlatilgan barcha narsaning qiymati 300 dollarni tashkil etdi.
«Albatta, yig‘ilgan iPhone’ning narxi bozordagi 16 gigabaytli iPhone 6 narxidan bir qadar past, biroq jarayonda olingan tajriba juda qimmatli», - deya ma'lum qildi videorolik muallifi.
