TrendForce hisobotiga ko‘ra, 2017 yilning birinchi choragi yakunlari bo‘yicha Samsung kompaniyasi smartfonlar bozorida 26,1 foizni o‘z qo‘liga oldi, Apple esa – atigi 16,9 foiz. Bu haqda Life xabar berdi.

Ta'kidlanishicha, Samsung mobil bo‘linmasi so‘nggi bir necha oy ichida jiddiy muvaffaqiyatlarga erishdi: 2016 yilning to‘rtinchi choragida Koreya texnologiya giganti 18,5 foizlik ko‘rsatkich bilan ikkinchi o‘rinni egallagan bo‘lsa, Apple’da – 20,3 foiz bo‘lgan.

Sammobile.com fikricha, kompaniya Galaxy Note 7 bilan bog‘liq noxush holatlardan so‘ng bir qadar arzonroq bo‘lgan Galaxy J va Galaxy A smartfonlarining yaxshi sotilishi tufayli o‘z pozitsiyasini tiklab olgan.

Samsung Galaxy S8 chiqqanidan so‘ng, 2017 yilning ikkinchi va uchinchi choraklarida ham yetakchilikni saqlab qolishi mumkin.