Nigeriya U-17 terma jamoasining kengaytirilgan ro‘yxatiga kiritilgan 60 futbolchidan 26 nafari yoshni tasdiqlovchi testdan o‘ta olmadi. Bu haqda African Football xabar tarqatgan.

Yuqori lavozimli manbaning so‘zlariga ko‘ra, asosiy tarkibdagi 2 futbolchininggina yoshi hujjatda ko‘rsatilgan raqamlarga mos kelgan, xolos.

"Bu shunchaki falokat. Bunday xatoga yo‘l qo‘ygan murabbiylar diskvalifikatsiya etilishi bo‘yicha qaror qabul qilindi. Bu jiddiy muammo", degan mansabdor.

Testdan o‘ta olmaganini bilgan futbolchilar dovdirab qolishgan, ularning ba'zilari yig‘lagan. Ular orasida o‘z yosh toifasida yulduz bo‘lgan va kelajagi yorqin bo‘lishi kutilayotgan hujumchi borligi aytilgan.

Ma'lumot uchun, Nigeriya 2015 yilda 17 yoshgacha bo‘lgan futbolchilar o‘rtasida jahon chempion bo‘lgan edi. Bu "yashil burgutlar"ning bu yosh toifasida rekord darajada beshinchi marta chempion bo‘lishi edi.

Manba: Tribuna.uz