Toshkent shahar hokimligida Shahar Favqulodda vazirlar boshqarmasi hamda Qutqaruv xizmati boshqarmasi rahbariyati ishtirokidagi matbuot anjumani bo‘lib o‘tdi.

O‘zbekiston Respublikasi Prezidentining 1995 yil 4 martdagi Farmoniga binoan aholini va xalq xo‘jaligi inshootlarini tabiiy ofatlardan muhofaza qilishning samarali tizimini tashkil etish, respublikada tabiiy va texnogen xususiyatli favqulodda vaziyatlarni oldini olish va uning oqibatlarini bartaraf etish maqsadida O‘zbekiston Respublikasi Favqulodda vaziyatlar vazirligi tashkil etildi.

 Xususan, buni Toshkent shahar Favqulodda vaziyatlar boshqarmasi misolida oladigan bo‘lsak, poytaxtlik haloskorlarning zalvorli mehnatlariga amin bo‘lamiz.

O‘tgan 2015 yilda Toshkent shahri aholisi va iqtisodiy-ijtimoiy obektlarini xavfsizligini ta'minlash maqsadida olib borilgan profilaktik tadbirlarni ayrim statistik ko‘rsatkichlari:
Fuqaro muhofazasi kuch va vositalarning tayyorgarligini oshirish maqsadida 4 ta Qo‘mondonlik-shtab o‘quv mashqi va iqtisodiyot obektlarida 71 ta maxsus-taktik o‘quv mashqlari, 189 ta uchrashuv, tushuntirish, seminar va suhbatlar o‘tkazildi. 
Aholi va rahbariyat tarkibini tayyorlash markazi tomonidan fuqaro muhofazasi, favqulodda vazitlarning oldini olish va bunday vaziyatlarda to‘g‘ri harakat qilish bo‘yicha jami bo‘lib, 1773 nafar (105 foiz) tinglovchilar tayyorgarlikdan o‘tkazildi.

Toshkent shahar hokimiyatining “2014-2015 yillar davomida suv toshishi bilan bog‘liq bo‘lgan vafqulodda vaziyatlardan Toshkent shahri aholisi va hududlarini muhofaza qilish borasidagi Dasturini amalga oshirish to‘g‘risida”gi 328-sonli qarori ijrosini ta'minlash maqsadida, suv toshishi bilan bog‘liq xavfli hududlarda maxsus-taktik o‘quv mashqlari o‘tkazildi. O‘quv mashqlariga jami bo‘lib, 1415 nafar ishtirokchi, 278 ta og‘ir-muhandislik va avtrotransport vositasi jalb etildi. O‘quv mashqlari davomida shahar hududidan oqib o‘tuvchi kanallar umumiy 12880 p/m uzunlikda qirg‘oqlarini mustahkamlash, tozalash ishlari amalga oshirildi.

Hisobot davrida shahar hududidan oqib o‘tuvchi 119 ta kanal va kollektorlarida beton ishlari 403,36 m3, Shag‘al ishlari 1349,m3, Yer ishlari 1824,3m3, Kanallarni tozalash ishlari 401 545 p/m bajarildi.

Toshkent aholisi va mehmonlariga qo‘riqlanmaydigan, daryo, kanal, anhor va suv havzalarida, cho‘milish belgilanmagan (ruxsat etilmagan)  hududlarda cho‘milish mumkin emasligi to‘g‘risida 810 dona taqiqlovchi belgilar o‘rnatilib, 159 marotaba joylarga chiqqan holda 7048 nafar fuqarolar bilan tushuntirish ishlari olib borildi.

Aholini favqulodda vaziyatlardan muhofaza qilish va xavfsizlikni ta'minlash maqsadida gazeta va jurnallarda 64 ta maqola chop etildi, radioda 86 ta va televideniye orqali 34 ta chiqishlar amalga oshirildi.