21 aprelda Braziliyaning Rio-de-Janeyro shahrida Olimpiadaga qurilgan "Tim Mayya" veloyo‘lagi konstruksiyasi qulab tushdi. O Globo gazetasining hozircha tasdiqlanmagan ma'lumotlariga ko‘ra, oqibatda 2 kishi halok bo‘lgan.

Ayni vaqtda voqea joyida qutqaruvchilar ish olib bormoqda. Noxush voqea veloyo‘lakni ushlab turgan konstruksiyaga katta to‘lqin urilgandan keyin yuz bergan. Guvohlarning aytishicha, bir necha kishi pastga – sohilbo‘yidagi qoyalarga tushib ketgan va ular to‘lqin bilan dengizga olib ketilgan. Jabrlanganlardan 3 kishi vayronalar ostidan chiqarib olingan va shifoxonaga yuborilgan. Veloyo‘lakning qulagan qismi uzunligi 50 metrga yaqinni tashkil qiladi.

Veloyo‘lak rasman yanvarda ochilgandi. Uning uzunligi 4 km ga yaqinni tashkil qiladi. Veloyo‘lakdan ochiladigan manzara Rio-de-Janeyro meriyasi va aholisining alohida faxri bo‘lgandi. Veloyo‘lak sohilbo‘yi bo‘ylab, 10 metr balandlikdagi qoyalar uzra ketgan va shahar aholisi uni dunyodagi eng chiroyli veloyo‘laklardan biri deb hisoblaydi.