Nyu-Yorkning sobiq meri Maykl Blumberg AQSh prezidentligi saylovida qatnashishdan bosh tortdi. Bu ma'lumot BloombergView’da e'lon qilingan.

«Saylovoldi poygalarining hozirgi vaziyatiga nazar soladigan bo‘lsak, ayni damda ruspublikachilarning ustuvorligini ko‘rish mumkin. Mening nomzodim katta ehtimol bilan Donald Tramp va Ted Kruz bilan ro‘baru bo‘ladi. Men bunday tavakkalchilikka qo‘l ura olmayman», deb ta'kidlagan u.

U, shuningdek, ayni damda davlat rahbarligi uchun kurash olib borayotgan biror-bir nomzodni qo‘llab-quvvatlashga tayyor emasligini bildirib o‘tgan.