O‘zbekiston oliy o‘quv yurtlarining bir guruh yoshlari 9 va 14 fevral kunlari buyuk bobokalonlari Alisher Navoiy hamda Zahiriddin Muhammad Boburning tavallud ayyomlari munosabati bilan virtual aksiya o‘tkazishni rejalashtirmoqda.
Aktsiya shartlariga ko‘ra, 9 fevral kuni soat 9:00dan boshlab Twitter ijtimoiy tarmog‘ida foydalanuvchilar #Navoiy575, 14 fevral soat 14:00dan boshlab esa #BoburDay heshtegi bilan post qilishi lozim bo‘ladi.
Keling biz birlashaylik! #Navoiy575 9.02 soat 9:00da! pic.twitter.com/qTPoGleHki
— UzTwipeople (@uztwii) 7 fevralya 2016
Facebook va Instagram tarmog‘i faollari ham postlarida heshteglarni ishlatgan holda ushbu tadbirga o‘z hissalarini qo‘shishi mumkin.
09/02/16 kuni hammamiz birga!#Navoiy575 pic.twitter.com/vYhJ2xyc8t
— Bekhzade (@uzBeckoff) 7 fevralya 2016
Eslatib o‘tamiz, o‘zbekistonlik Twitter foydalanuvchilari bungacha 3 marta – 2012 yili O‘zbekiston Mustaqilligining 21 yilligi arafasida #uzb21, 2013 yili Mustaqillikning 22 yilligi arafasida #uzb22, 2015 yili esa FIFA referisi Ravshan Ermatovga bag‘ishlangan #IrmatovBest heshteglarini jahon trendi darajasiga ko‘targan edi.
