"Real" klubi hamda Angliya terma jamoasining sobiq futbolchisi Devid Bekhem tez tibbiy yordam mashinasini kutib turgan shifokor hamda uning mijoziga issiq ichimliklar keltirib, yana bir bor o‘z himmatini namoyish etdi.

Bu vaqtda londonlik feldsher yo‘lda noqulay yiqilgan yo‘lovchiga yordam ko‘rsatayotgan bo‘lgan.

"Men boshimni ko‘tarib qaraganimda, yo‘ldan bir kishi o‘tayotgani, u mashhur futbolchi Bekhemga o‘xshashini ko‘rdim. U biz bilan salomlashib o‘tdi.

Men yonimdagi bemorga u Bekhemning aynan o‘zi ekani haqida aytdim. Bir necha daqiqadan keyin esa u men uchun kofe, yonimdagi kishi uchun esa issiq choy keltirdi.

Bunday sovuqda shahar ko‘chasida velosiped bilan uchishdan keyin ancha sovuqqotgandim. Men u biz uchun g‘amxo‘rlik qilayotganiga ko‘zlarimga ishonmagan ko‘yi qarab turardim. Bu haqiqiy quvonchli damlar bo‘ldi", deydi feldsher qiz Meynard.

London shahri tez tibbiy yordam xizmati futbolchiga o‘z minnatdorchiligini bildirgan. "Bunday arzimas yordam ham xodimlarimizning ishga talabchanligini oshiradi", deyiladi minnatdorchilik nomasida.